Шоу Биз

Ѕвездени носталгии тема Емпатија 02.06.2026

Објавено

пред 4 месеци

на

јуни 3, 2026

Од

Sase

Емпатија – клучот за подобро разбирање

Почитувани слушатели, добредојдовте во нашата најнова емисија посветена на една многу важна човечка вредност – емпатијата.

Емпатијата претставува способност да ги разбереме и почувствуваме емоциите на другите луѓе. Таа ни помага да се ставиме во туѓа позиција и да сфатиме како некој се чувствува во одредена ситуација. Благодарение на емпатијата, градиме подобри односи, покажуваме почит и создававме средина исполнета со разбирање и поддршка.

Во денешното брзо и динамично време, често забораваме колку е важно да ги слушаме другите и да покажеме сочувство. Едноставен разговор, искрена насмевка или подадена рака можат значително да му помогнат на некого кој се соочува со тешкотии.

Емпатијата не е само чувство, туку и вештина што може да се развива. Со внимателно слушање, почитување на различните мислења и покажување грижа за луѓето околу нас, можеме да придонесеме за подобро и похумано општество.

Ви благодарам што сте со нас. Останете и понатаму со нашата програма, каде заедно ќе продолжиме да разговараме за теми што нè поврзуваат и нè прават подобри луѓе.

Преслушај те ја најновата емисија емпатија на платформата Mixcloud или платформата Spotiy

Слушајте ја емисијата секој вторник од 20 часот на ЗОНА М1 РАДИО

Поврзани теми:

Следно

Премиер Бенд – музички состав која создава незаборавни моменти

Не пропуштајте

Македонец пред настап со Martin Garrix и Sting – Гласајте за Анастас на UNTOLD Festival

Продолжи со читање

Шоу Биз

Македонска песна во холивудски филм – „На Струга дуќан да имам“ стаса до Холивуд

Објавено

пред 2 дена

на

септември 20, 2026

Од

Цаци

Македонската традиционална музика добива уште едно интересно место на светската филмска сцена. Една од песните што со децении е дел од македонското музичко наследство – „На Струга дуќан да имам“ – се слуша во американскиот филм „The Rivals of Amziah King“, во кој главните улоги ги толкуваат познатите актери Метју Меконахи и Курт Расел.

Станува збор за американски неовестерн трилер во режија на Ендру Патерсон, а токму изборот на македонската песна му дава специфичен музички печат на дел од филмот. Иако приказната и музичкиот концепт се силно поврзани со американската блуграс и рутс традиција, во филмот се појавува звук кој доаѓа од сосема поинаков музички простор.

Верзијата на „На Струга дуќан да имам“ која е употребена во филмот е аранжирана од Етел Рејм, а ја изведува Женскиот вокален ансамбл „Китка“ од Оукленд, Калифорнија, заедно со Шира Камен и Питер Маунд. Ансамблот е посветен на источноевропските женски вокални традиции, што дополнително го објаснува начинот на кој македонската песна е вклопена во музичкиот амбиент на филмот.

Особено впечатлив е начинот на кој традиционалната мелодија функционира во филмскиот контекст. Нејзините вокални хармонии и карактеристичниот 7/8 ритам носат препознатлива динамика, но и чувство на движење и напнатост, создавајќи атмосфера која се разликува од доминантниот американски музички израз во филмот.

„На Струга дуќан да имам“ е песна која во македонската традиција одамна ги надминала границите на едно место или една генерација. Во нејзината основа е љубовната приказна, разиграна и ведра, но со силна емотивна порака. Стихот „срцево ми го изгоре“ ја носи страста и копнежот на момчето кое ја очекува својата сакана да помине покрај него.

Најпознатата верзија е поврзана со Струга, но песната низ времето добила и други локални варијанти, во кои се споменуваат различни македонски градови и маала.

Фактот што токму ваква песна нашла свое место во американска филмска продукција е уште еден пример како традиционалниот македонски музички израз може да најде пат до публика далеку надвор од Балканот.

Филмот „The Rivals of Amziah King“ од 14 август се прикажува во американските кина, а македонската песна во неговиот саундтрак веќе привлече внимание и на социјалните мрежи, каде што е споделена и сцената во која се слуша нејзината изведба.

Продолжи со читање