Шоу Биз

Македонец пред настап со Martin Garrix и Sting – Гласајте за Анастас на UNTOLD Festival

Објавено

пред 3 месеци

на

мај 30, 2026

Од

Цаци

Младиот македонски продуцент и диџеј Анастас е избран во престижната програма “Untold Creators by Visa”, организирана од светски познатиот фестивал “Untold” во Трансилванија, Романија – фестивал кој важи за трет најголем фестивал во светот.

Во конкуренција од дури 11.366 апликации од целиот свет, Анастас е еден од само 25-те избрани диџеи кои добија можност да бидат дел од оваа интернационална програма. Ова е и прва година во која “Untold” отвора простор за интернационални артисти надвор од Романија.

Во рамки на програмата, учесниците работеа и учеа од светски познати продуценти и ментори од електронската сцена, а како финален продукт снимија свои авторски DJ сетови.

Во моментов е отворено официјалното гласање за најдобар DJ сет.

Овде може да гласате за Анастас: https://www.untoldcreators.com/creators-work?utm_source=ig&utm_medium=social&utm_content=link_in_bio&fbclid=PAZXh0bgNhZW0CMTEAc3J0YwZhcHBfaWQPOTM2NjE5NzQzMzkyNDU5AAGnXMEBym15GDFTj-EyRFrby4-HNpPs7XX6q4WZGz_6n–F8ALaUZFBATcRXCE_aem_vo8mUJ3D8kTubGixyr3VQg

Четворица од учесниците ќе добијат можност да настапат на фестивалските стејџови на Untold, додека еден од нив ќе настапи на главната сцена – пред десетици илјади луѓе – заедно со светски музички имиња како Sting, Martin Garrix, Kygo, Afrojack, Lost Frequencies и многу други.

Сега поддршката е најважна.

Да му помогнеме на младиот македонски артист да стане дел од една од најголемите музички сцени во светот.

Aнастас е 26-годишен DJ и продуцент од Скопје, чие име сè почесто се појавува на регионалната и домашната електронска сцена. Во изминатиот период настапуваше заедно со имиња како Argy, Hugel и Andrew Meller, а беше и резидент DJ во “Станица 26” заедно со Галоски.

Неговата музика веќе е издавана за познати електронски лејбли како “Cafe De Anatolia”, “Garden of Dreams” а неговиот звук комбинира melodic house, organic elements и современа електронска продукција.

Ова е ретка можност млад македонски артист да ја претставува земјата на глобална сцена – и токму затоа секој глас може да направи огромна разлика.

IG profile: https://www.instagram.com/anastasmusic_/
Drive with press kit: https://drive.google.com/drive/folders/17hN95SAEhPCyVFD7QbnoJqP9NGHorFy-Повеќе за фестивалот:

UNTOLD Festival е еден од најголемите и највлијателни музички фестивали во Европа, кој секоја година се одржува во Клуж-Напока, во срцето на Трансилванија. Фестивалот обединува стотици илјади посетители од повеќе од 100 земји и носи настапи од најголемите светски диџеи, музички ѕвезди и live артисти. Препознатлив по својата спектакуларна продукција, магична сценографија и уникатна атмосфера, UNTOLD денес е рангиран меѓу најдобрите и најпосетени фестивали во светот.

Линк до фестивалот: https://untold.com

Екипата на ЕСТРАДА.МК му честита на Анастас за досегашниот успех, му испраќа неизмерна поддршка и желби за понатамошен успех.

Поврзани теми:

Следно

Ѕвездени носталгии тема Емпатија 02.06.2026

Не пропуштајте

„Компас Бенд“ со „Позитив и Негатив“ носи емоција, а со латино-џез миксовите вистинско и ново освежување

Продолжи со читање

Шоу Биз

Берово ја отвора вратата кон Малешевијата – три дена етно, традиција, музика и малешевски вкусови

Објавено

пред 1 ден

на

август 23, 2026

Од

Цаци

Естрада.мк продолжува да ги следи и претставува културните случувања низ Македонија, особено оние настани кои ја чуваат традицијата, фолклорот, музиката и автентичниот дух на македонските краеви. Овојпат патот нè води кон истокот на земјата, во Берово, каде од 27 до 29 август ќе се одржи „Етно Фестивал Берово 2026“, заедно со Саемот на традиционални малешевски производи „Малешевијата на дланка“.

Три фестивалски денови ќе го претворат Берово во вистински центар на традицијата, фолклорот, музиката, домашните специјалитети, ракотворбите и малешевското гостопримство. Организаторите најавуваат програма во која традиционалното ќе се сретне со современата музика, а посетителите ќе имаат можност не само да слушнат добра музика, туку и да ги запознаат автентичните производи и вкусови на Малешевијата.

Фестивалот започнува во четврток, 27 август, со свечено отворање во 18:30 часот. Вечерта е посветена на фолклорот и традицијата, со настапи на КУД „Димитар Беровски“ – Берово, културно-уметнички друштва од регионот и од збратимените општини.

За музичкиот дел од првата фестивалска вечер се најавени Синтезис, Браво бенд и DJ Drash, што ветува интересна спојка на традиционалното и современото.

Вториот ден, 28 август, со почеток во 20 часот, следува концертната вечер на која ќе настапат Давид Темелков, Гоца Тржан, Тропико бенд и Феникс бенд.

Фестивалот завршува во сабота, 29 август, со почеток во 19:30 часот, со голема завршна фестивалска вечер. Публиката ќе може да ужива во малешевски зурли и тапани, Уска Кан, Игор Димовски & Пауза за ракија, Пеца Јовановиќ и Ангел и Иван.

Покрај музичката и фолклорната програма, особено место во фестивалот има саемот „Малешевијата на дланка“, преку кој ќе бидат претставени традиционални малешевски производи, домашни специјалитети, ракотворби и други локални производи.

Токму ваквите манифестации се можност традицијата да не остане само спомен од минатото, туку да продолжи да живее – преку песната, носијата, старите занаети, храната и луѓето кои со љубов го пренесуваат наследството од една на друга генерација.

Берово со оваа манифестација ја промовира Малешевијата како културна и туристичка дестинација, а посетителите ќе имаат можност да го почувствуваат духот на овој прекрасен крај и да се запознаат со неговото богато наследство.

Три дена музика, фолклор, традиција, домашни вкусови и малешевско гостопримство ќе го исполнат Берово, а градот уште еднаш ќе покаже дека културниот живот во Македонија се создава насекаде – од најголемите градови до најмалите места.

А Естрада.мк продолжува да биде таму каде што се случуваат убавите македонски приказни, да ги открива, да ги следи и да ги доближува до своите читатели.

Од 27 до 29 август – Берово ве очекува на „Етно Фестивал Берово 2026“ и „Малешевијата на дланка“.

Продолжи со читање