Народна
Во тек е 15-тиот јубилеен Меѓународен фолклорен фестивал „Гази Баба 2025“
Градоначалникот на Општина Гази Баба, со голема чест и задоволство, вчеравечер, ја отвори првата вечер од 15-тиот Меѓународен фолклорен фестивал „Гази Баба 2025“, еден од најзначајните културни настани, кој традиционално се одржува во Општина Гази Баба. Оваа година, фестивалот ја има честа да ја прослави својата 15-годишна традиција на пријателство, културна размена и спојување на различни народи и традиции од целата планета.
Првото издание на фестивалот, кое се одржа на плоштадот во Автокоманда, собра бројни жители на општината и гости кои имаа прилика да уживаат во музиката, танците и народните носии на учесниците. Во своето обраќање, градоначалникот нагласи колку е важно да продолжиме да ги чуваме и почитуваме различните културни изрази, кои не само што ја збогатуваат нашата култура, туку и ја зајакнуваат меѓународната соработка и размената на искуства меѓу народите.
„Нашиот фестивал е сцена на пријателство, почит и уметнички израз, а оваа година имаме чест да го споделиме со учесници од Македонија, Република Српска (Босна и Херцеговина), Словачка, Полска, Турција и Австралија. Фестивалот не само што е културен настан, туку и платформа за разбирање и поврзување на различни народи од целиот свет“, изјави градоначалникот на Општина Гази Баба.
Гости и учесници од пет континенти донесоа дел од своето културно наследство, а магијата на народната музика и танци се пренесе во секој дел од присутните, создавајќи единствена атмосфера на плоштадот. Секој ансамбл представи уникатна традиција, носејќи дел од својот народ и култура.
Програмата продолжува со две следни фестивалски вечери:
- Втора вечер – 05 јули (сабота), во ООУ „Св. Наум Охридски“ во Булачани
- Трета вечер – 07 јули (понеделник), на плоштадчето пред Парк-кино во Маџари
Градоначалникот ги покани сите граѓани и посетители да учествуваат во следните фестивалски настани и заедно да ја прослават богатата културна разноликост, меѓународната солидарност и единството меѓу народите.
„Да продолжиме да градиме мостови помеѓу културите!“, порача градоначалникот, потсетувајќи дека културата е важен двигател на разбирањето и пријателството помеѓу народите.
Народна
„Фолк Фест Валандово 2026“ на 26 и 27 мај: Две вечери исполнети со македонска песна, емоции и нови хитови
Градот на калинките и годинава ќе биде домаќин на едно од најзначајните музички случувања во Македонија. На 26 и 27 мај ќе се одржи 39-тото издание на фестивалот „Фолк Фест Валандово 2026“, манифестација која со децении претставува симбол на македонската фолк музика, традиција и незаборавни мелодии.
Првата фестивалска вечер, која ќе се одржи на 26 мај на градскиот плоштад во Валандово, ќе биде посветена на безвременските валандовски хитови што оставиле длабока трага на македонската музичка сцена. Публиката ќе има можност повторно да ужива во добро познатите песни во изведба на еминентни музички имиња како Блага Петреска, Елена Велеска, Кате и Соната, Кристијан Божинов, Марјан Коцев и Мишко Крстевски. Во рамки на вечерта, мини концерт ќе одржи и еден од најактуелните фолк пејачи кај нас, Влатко Младиновски.
Посебен момент на вечерта ќе биде доделувањето на наградата за животно дело на легендарната Блага Петреска, како признание за нејзиниот долгогодишен придонес во македонската народна музика и богатото музичко наследство што го остави зад себе.
Главната фестивалска вечер ќе се одржи на 27 мај во салата „Јанко Узунов“ во Валандово, каде ќе бидат промовирани 20 нови композиции кои претендираат да станат идни хитови на македонската фолк сцена. На сцената ќе настапат добро познати музички имиња, но и млади таленти кои допрва го градат својот пат.
Меѓу учесниците се: Благица Калева, Нино Величковски, Ивана Серафимовска, Дејан Николовски – Чуле, Мишко Крстевски, Благоја Грујовски, Даце Николовски, Лени Партикова, Горан Тодоровски, Распеани Валандовчани и други.
За време на гласањето, публиката ќе има можност да ужива и во мини концертот на Ленче Кукиќ.
На официјалната прес-конференција во Скопје, организаторите најавија дека и ова издание ќе понуди врвна музичка програма и атмосфера препознатлива за Валандово. Свои обраќања имаа градоначалникот на Валандово Ѓоко Камчев, уметничкиот директор Илчо Јованов, техничкиот директор Ѓоко Павлов и извршниот директор Горјан Стојановски.
Двете фестивалски вечери ќе бидат емитувани на Македонската радио телевизија, а низ музичката приказна публиката ќе ја водат водителите Зоран Ѓорѓиев и Ели Танасковски.
На 26 и 27 мај Валандово повторно ќе стане центар на македонската фолк музика, место каде традицијата, емоцијата и новите музички приказни ќе се спојат во уште едно незаборавно фестивалско издание.
-
Шоу Бизпред 2 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 2 неделиДарко Билбиловски претстави нова песна исполнета со емоција – „Само да си моја“
-
Шоу Бизпред 4 неделиЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месец„Позитив бенд“ – музика, еуфорија, енергија – гаранција за добра забава
-
Некатегоризиранопред 1 месецМладата Викторија Ефтимова го претстави новиот сингл „Идеали“
-
Шоу Бизпред 3 месециСека Алексиќ и Раста на иста сцена во Арена „Јане Сандански“
-
Народнапред 3 неделиВаска Илиева – гласот што ја претвори македонската песна во идентитет
-
Шоу Бизпред 2 неделиЗона М1 се слуша и под вода – нова можност за пораки од дијаспората