Народна

Јордан Митев најавува нова песна пред летната сезона

Објавено

пред 1 година

на

јули 4, 2025

Од

Познатиот македонски изведувач, Јордан Митев, објави дека во пресрет на најтоплите два месеца во годината, ќе го издаде својот нов музички проект. Соопштувањето за новата песна беше направено преку неговиот официјален профил на социјалните мрежи, каде што обожавателите можеа да прочитаат дека следи уште една нова песна со видео.

„Почитувани, пред да започнат најтоплите два месеца во годината од мојата работилница ќе излезе уште една нова песна. За неколку дена ќе биде пуштена новата песна со видео… Поздрав до сите каде и да сте!“ – напиша Митев.

Со оваа најава, Митев ги изненади своите фанови, кои со нетрпение го очекуваат новото музичко издание. Тој е познат по својата способност да создава хитови кои брзо се прифаќаат од публиката, и се очекува новата песна да продолжи со тој тренд.

Музичкиот видеоклип ќе биде објавен заедно со песната, а деталите околу темата и концептот на песната остануваат тајна за сега. Веруваме дека оваа нова песна ќе биде нов хит на Јордам Митев, што ќе ја разубави музичката сцена и ќе донесе свежина во летниот репертоар.

Љубителите на неговата музика се сигурни дека Јордан Митев и овој пат нема да разочара. Секој негов нов проект претставува голема настан за македонската музичка сцена и сите што го следат.

Остануваме во исчекување да видиме со што ќе не изненади овој пат Јордан Митев.

Поврзани теми:

Следно

Во тек е 15-тиот јубилеен Меѓународен фолклорен фестивал „Гази Баба 2025“

Не пропуштајте

Стојне Николова со осврт на музичките проекти: Години исполнети со љубов и традиција

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 13 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање