Народна

Стојне Николова со осврт на музичките проекти: Години исполнети со љубов и традиција

Објавено

пред 1 година

на

јули 3, 2025

Од

Македонската фолк сцена веќе со години го препознава нејзиниот глас, нејзиниот стас, нејзината искреност и љубовта кон сето она што го претставува нашето музичко богатство. Стојне Николова, со својата посветеност и емоција, создаде цел музички свет исполнет со песни што ги допираат срцата на луѓето и оставаат длабока трага. Во еден мал, но суштински осврт на нејзината работа изминативе години, а испишан на нејзината Фејсбук страна, Николова зборува за музичките проекти кои ја обележаа нејзината кариера досега.

Јас и мојот тим создадовме песни во кои ја опеавме љубовта, радоста, но и тагата, младоста, убавината – вели Стојне.

Овие емоции не се само тема во нејзините песни, туку се и водилка при секое музичко создавање. Со многу љубов и труд, секој проект добил сопствена душа – мелодии кои звучат современо, но сепак длабоко вкоренети во македонската фолк традиција.

Стојне вели дека таа и нејзиниот тим внимателно работеле не само на музиката, туку и на визуелниот идентитет – таа вели – внимававме и на видеата и на секој детал во врска со истите. Секое видео е приказна сама по себе, автентично пренесена емоција што ја надополнува музиката.

Оваа грижа за секој сегмент од уметничкото дело е токму она што ја издвојува Николова од многумина – вниманието кон деталите и почитта кон публиката.

Иако македонскиот музички пазар е помал од оној на соседните земји, Николова не се жали. Напротив, вели– тоа што го имаме, е доволно за гордост. Можеби немаме продукции големи како соседите, но тоа што го имаме е доволно за да се гордееме и што повеќе твориме и работиме ЗА НАС, ВАС, ИДНИТЕ ГЕНЕРАЦИИ И МУЗИКАТА ВО МАКЕДОНИЈА.

Таа истакнува дека во секоја нова песна вложува искрена емоција и одговорност и вели – сакам секогаш да е нешто поразлично и се разбира подобро.Таа никогаш не бега од предизвиците и од потребата да се развива, и затоа нејзиниот музички пат е исполнет со постојан раст и иновација. Нејзините песни често се одраз на таа длабока врска со Македонија како љубов,

На крајот од својот осврт, Стојне со гордост истакнува – Се гореам што сум се родила во оваа мала, но најмила земја, напатена, но полна со живот и љубов. И како што се вели во една моја песна “ДА ПЕЕМЕ НА МАКЕДОНСКИ”, јас ќе се потрудам што повеќе да ви пеам, и во сите проекти да го дадам најдоброто.

Поврзани теми:

Следно

Јордан Митев најавува нова песна пред летната сезона

Не пропуштајте

Наум Петрески и Зуица Лазова горди на својата ќерка

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 12 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање