ЗАБАВНА

На 31 јули АРЕА ќе приреди рок спектакл под ѕвезденото небо во Охрид

Објавено

пред 4 месеци

на

мај 27, 2026

Од

Цаци

Еден од највпечатливите македонски рок состави, АРЕА, ова лето подготвува музички спектакл во срцето на Охрид. На 31 јули, сцената на Антички театар ќе пулсира во ритамот на безвременските хитови на бендот, во рамките на концертната програма на S.O.S. Festival 2026.

Под ѕвезденото небо, во магичниот амбиент на Античкиот театар, Ружица, Ивица и целата екипа на АРЕА ќе ја поведат публиката на музичко патување исполнето со емоции, енергија и рок звук што трае повеќе од три децении. Ќе се пеат во еден глас „Сите мои слики“, „Пријател“, „Одведи ме“, „Биди мој“, но и многу други песни кои одамна станаа дел од колективната музичка меморија.

Концертите на АРЕА отсекогаш биле повеќе од обичен настап, тие се вистинско доживување. Моќниот и препознатлив вокал на Ружица, препознатливите гитарски рифови на Ивица и силната енергија што бендот ја носи на сцена создаваат атмосфера што публиката долго ја памети.

Токму затоа се очекува 31 јули да биде една од најемоционалните и најсилните музички вечери ова лето во Охрид. Античкиот театар, љубовта кон добрата музика и песните на АРЕА повторно ќе докажат дека рокенролот нема рок на траење.

Настанот е во организација на Fresh Union – Film, Music and Booking Agency, со поддршка од Министерство за култура на Македонија.

Концертот започнува во 21:00 часот, а билетите се веќе пуштени во продажба преку Wayin.mk и на продажното место „Аждер“ во Охрид.

Ова не е само концерт, ова е вечер кога Охрид и присутнитата публика ќе бидат на фрекфенција на љубовта заедно со Ареа.

Поврзани теми:

Следно

Летен концерт на музичкото училиште „Ентерпрајз“: 29 бенда, 120 ученици и моќна рок програма на „We Will Rock You“

Не пропуштајте

DUPER ја објавија „Претера“ со Young Dadi – модерен звук и впечатлив спот

Продолжи со читање

ЗАБАВНА

Радовиш на 28 август во знакот на македонскиот рок – „Меморија“ и „Ареа“ на една сцена

Објавено

пред 3 недели

на

август 25, 2026

Од

Цаци

Летото полека се ближи кон својот крај, а последните августовски денови се исполнети со бројни културни и музички збиднувања низ Македонија. Естрада.мк е тука, колку што може, да ги проследи најинтересните настани и да ги доближи до пошироката публика, особено оние што носат добра музика, емоции и сеќавања.

Еден таков настан нè очекува на 28 август во Радовиш, каде што љубителите на македонскиот рок ќе имаат можност да уживаат во концертна вечер со две добро познати имиња од домашната музичка сцена – „Меморија“ и „Ареа“. Концертот се организира по повод Денот на македонските рудари, а локацијата е Паркинг „Орел“ во Радовиш.

Музичката вечер ќе започне во 21:00 часот, кога на сцената ќе настапи „Меморија“. Групата ќе ги потсети присутните на своите добро познати песни и на македонските рок-хитови кои со години се дел од музичкото паметење на повеќе генерации.

Од 23:00 часот сцената ќе биде резервирана за „Ареа“, еден од најпрепознатливите македонски рок-бендови, чиј репертоар со години е присутен во македонскиот музички простор.

Она што дополнително го прави концертот привлечен е фактот што влезот е слободен, па се очекува на Паркинг „Орел“ да се соберат љубители на македонската рок-музика од Радовиш и околината, но и посетители кои сакаат последните августовски денови да ги поминат со добра музика и добро друштво.

Настанот е поддржан од Општина Радовиш и Рудник „Бучим“, а концертната програма е дел од одбележувањето на Денот на македонските рудари. Според најавите, со оваа концертна вечер продолжува и традицијата на јавно одбележување на 28 август во Радовиш.

Така, август во Радовиш ќе заврши со звукот на македонскиот рок, познатите рефрени и песни кои ги поврзуваат различните генерации. „Меморија“ и „Ареа“ на една сцена се доволна покана за уште една музичка вечер под отворено небо и уште едно убаво збогување со летото.

Естрада.мк ќе продолжи да ги следи настаните низ Македонија и да ви ги носи најинтересните фестивали, концерти и културни случувања.

Продолжи со читање