ЗАБАВНА

„Моет 2“: 2Bona и Таско со ново визуелно уживање за фановите

Објавено

пред 1 година

на

септември 20, 2025

Од

Македонската трап сцена е збогатена за уште еден визуелен и музички производ кој ветува дека ќе ги освои клубовите и трендинг листите. По долго очекување, динамичното дуо 2Bona и популарниот изведувач Таско го објавија спотот за нивната најнова соработка насловена „Моет 2“.

Како што и самиот наслов наговестува, станува збор за продолжение на нивниот претходен хит „Моет“, кој одлично помина кај публикатаНовиот спот, објавен на 9 септември 2025 година, веќе брои стотици илјади прегледи, со што докажува дека оваа соработка е полн погодок

Естетика на висока нога

Видеото за „Моет 2“ ги носи гледачите во светот на луксузот и ноќниот живот, тема која често се провлекува низ творештвото на овие артисти. Препознатливиот визуелен идентитет е доловен преку брзи сцени, скапи автомобили и сепариња, додека 2Bona и Таско со својата енергија и харизма доминираат во секој кадар.

Зад визуелниот дел на приказната стои докажаната екипа на Naumovskiii & steadyflow, кои се потпишани како режисери на спотот. Нивниот современ пристап и динамичната монтажа совршено се вклопуваат со ритамот на песната, создавајќи видео кое го задржува вниманието од почеток до крај.

Продукциски детали

Музиката за „Моет 2“ е дело на 2Bona и Таско, додека текстот го потпишуваат заедно .За ритамот кој веднаш влегува во уво е задолжен The Thrillz, а миксот и мастерингот се на Марио Јелиќ – Кун. Целиот проект е под закрила на продукцијата Gorilla Entertainment

Очигледно е дека „Моет 2“ е песна создадена да стане клупски хит, а судејќи по првичните реакции на публиката, 2Bona и Таско уште еднаш го испорачаа тоа што нивните фанови го очекуваат – модерна и енергична трап нумера со впечатлив визуелен печат.

Поврзани теми:

Следно

Антонија Гиговска со новото видео „Специјалиста“ – сите зборуваат за неа!

Не пропуштајте

Баже Маротов со „Борба на две суети“ ги освои новинарите на „Охридски трубадури“

Продолжи со читање

ЗАБАВНА

Роџер има наследник на сцената – Рола со „Драга не буди педер“ најавува балкански пробив!

Објавено

пред 2 дена

на

септември 21, 2026

Од

Цаци

Синот на легендарниот Зоран Илиев – Роџер влегува на музичката сцена со песна на српски јазик и јасна амбиција – Македонија да биде само почеток! Македонската музичка сцена утре добива ново име кое дефинитивно ќе привлече внимание. Давид Илиев, познат под уметничкото име Рола, на 22 септември ја претставува својата нова песна „Драга не буди педер“, со која амбициите очигледно не завршуваат само во македонски рамки.

Песната е на српски јазик, што уште од старт ја отвора вратата кон еден многу поширок простор, регионалната публика. А токму тоа е она што го прави овој музички старт интересен –Рола не влегува тивко на сцената, туку директно го нишани балканскиот пазар.

Името Илиев, пак, на скопската јавност не ѝ е непознато, напротив. Неговиот татко Зоран Илиев – Роџер со години важи за една од препознатливите скопски урбани легенди, човек чие име е добро познато на повеќе генерации скопјани. За неговиот животен пат, семејството и годините поминати во Скопје низ годините пишувале и бројни медиуми.

Но, изгледа дека приказната за музички таленти во семејството Илиеви продолжува.

Имено, во 2022 година медиумите пишуваа и за Леонардо Илиев, еден од синовите на Роџер, кој настапи на австралиското издание на популарното музичко шоу „The Voice“ со сопствена авторска песна.

Сега на сцената доаѓа Давид – Рола. И ако по нешто се препознава новата генерација, тоа е по храброста да не игра по старите правила.

Уште самиот наслов „Драга не буди педер“ покажува дека Рола нема намера да се вклопува во веќе видени шаблони. Песната има провокативен наслов, современ пристап и потенцијал да предизвика реакции, а токму песните за кои се зборува често најбрзо го наоѓаат патот до публиката.

Утре, 22 септември, ќе слушнеме дали Рола го има тоа „нешто“ што ја одвојува новата генерација од останатите.

Едно е сигурно – ова не изгледа како обид само да се објави уште една песна. Ова изгледа како почеток на една поголема музичка приказна.

Рола го носи презимето на човек кој одамна е дел од скопската урбана приказна, но сега треба самиот да си го создаде своето име. Од Скопје – кон Белград, Загреб, Сараево, Подгорица и целиот регион.

Песна на српски јазик, младо име, препознатлив уметнички идентитет и амбиција за поширока публика се комбинација која може да биде интересна за балканската музичка сцена.

Дали „Драга не буди педер“ ќе биде песната со која Рола ќе го направи првиот голем чекор? Тоа ќе го покаже публиката, но едно е веќе јасно – Рола пристигнува. А кога едно ново име ќе влезе на сцена со желба да го освои целиот Балкан, тогаш приказната вреди да се следи од самиот почеток.

Утре стартува новата музичка приказна на Давид Илиев – Рола.

Македонија прва, Балканот следен!

Продолжи со читање