Народна

Сплотени во музика – започнува големиот концертен караван „Македонијо во срце те носиме“

Објавено

пред 9 месеци

на

август 21, 2025

Од

Во рамките на големиот проект „Македонијо во срце те носиме“, деновиве излезе и последната песна која претставува круна на оваа музичка приказна. За првпат, сите 12 изведувачи кои се дел од проектот застанаа заедно на едно дело, создавајќи композиција што е повеќе од музика, песната ,,Роде мој” носи порака за сплотеност, љубов кон татковината и верба во иднината.

Во видео записот се вметнати сите учесници, но и прекрасните пејсажи на Македонија – од езерата и планините, до историските градови и културното наследство. На тој начин, песната не само што ја носи силната порака на заедништво, туку и ја прикажува убавината на нашата земја, како потсетник дека имаме за што да бидеме горди и што да чуваме.

Проектот не завршува тука – напротив, неговата енергија продолжува да живее преку голем концертен караван што ќе патува низ Македонија во периодот од 26 август до 24 септември. Караванот е осмислен да го доближи духот на песната и на целокупниот проект до што е можно повеќе граѓани, да ги обедини сите генерации и да ги исполни градските плоштади со музика, радост и заедничка емоција.

Концертниот караван ќе го следи следниот распоред:

26.08 – Охрид, 20: 00 часот
31.08 – Делчево, 20:00 часот
03.09 – Штип, 20:00 часот
10.09 – Струмица, 20:00 часот
14.09 – Битола, 20:00 часот
17.09 – Гостивар, 20:00 часот
21.09 – Велес, 20:00 часот
24.09 – Прилеп, 20:00 часот

Со овој проект, Македонија уште еднаш докажува дека музиката е еден од најмоќните начини за обединување. „Македонијо во срце те носиме“ не е само уметничко дело, туку и симбол на заеднички дух, на почит кон минатото и надеж за иднината.

Концертниот караван ветува незаборавни моменти, исполнети со музика и емоции што ќе потсетат дека кога сме заедно, можеме многу повеќе.

Поврзани теми:

Следно

Куманово го одржа „Тумба фест“ 2025 – 18 рефрени, многу смеа и многу љубов

Не пропуштајте

Од Јонче до Наум – и спомен за Андреј Ако умрам ил загинам во нова преработка

Продолжи со читање

Народна

„Фолк Фест Валандово 2026“ на 26 и 27 мај: Две вечери исполнети со македонска песна, емоции и нови хитови

Објавено

пред 12 часа

на

мај 14, 2026

Од

Цаци

Градот на калинките и годинава ќе биде домаќин на едно од најзначајните музички случувања во Македонија. На 26 и 27 мај ќе се одржи 39-тото издание на фестивалот „Фолк Фест Валандово 2026“, манифестација која со децении претставува симбол на македонската фолк музика, традиција и незаборавни мелодии.

Првата фестивалска вечер, која ќе се одржи на 26 мај на градскиот плоштад во Валандово, ќе биде посветена на безвременските валандовски хитови што оставиле длабока трага на македонската музичка сцена. Публиката ќе има можност повторно да ужива во добро познатите песни во изведба на еминентни музички имиња како Блага Петреска, Елена Велеска, Кате и Соната, Кристијан Божинов, Марјан Коцев и Мишко Крстевски. Во рамки на вечерта, мини концерт ќе одржи и еден од најактуелните фолк пејачи кај нас, Влатко Младиновски.

Посебен момент на вечерта ќе биде доделувањето на наградата за животно дело на легендарната Блага Петреска, како признание за нејзиниот долгогодишен придонес во македонската народна музика и богатото музичко наследство што го остави зад себе.

Главната фестивалска вечер ќе се одржи на 27 мај во салата „Јанко Узунов“ во Валандово, каде ќе бидат промовирани 20 нови композиции кои претендираат да станат идни хитови на македонската фолк сцена. На сцената ќе настапат добро познати музички имиња, но и млади таленти кои допрва го градат својот пат.

Меѓу учесниците се: Благица Калева, Нино Величковски, Ивана Серафимовска, Дејан Николовски – Чуле, Мишко Крстевски, Благоја Грујовски, Даце Николовски, Лени Партикова, Горан Тодоровски, Распеани Валандовчани и други.

За време на гласањето, публиката ќе има можност да ужива и во мини концертот на Ленче Кукиќ.

На официјалната прес-конференција во Скопје, организаторите најавија дека и ова издание ќе понуди врвна музичка програма и атмосфера препознатлива за Валандово. Свои обраќања имаа градоначалникот на Валандово Ѓоко Камчев, уметничкиот директор Илчо Јованов, техничкиот директор Ѓоко Павлов и извршниот директор Горјан Стојановски.

Двете фестивалски вечери ќе бидат емитувани на Македонската радио телевизија, а низ музичката приказна публиката ќе ја водат водителите Зоран Ѓорѓиев и Ели Танасковски.

На 26 и 27 мај Валандово повторно ќе стане центар на македонската фолк музика, место каде традицијата, емоцијата и новите музички приказни ќе се спојат во уште едно незаборавно фестивалско издание.

Продолжи со читање