Народна

Од Јонче до Наум – и спомен за Андреј Ако умрам ил загинам во нова преработка

Објавено

пред 1 година

на

август 18, 2025

Од

ЕСТРАДА.МК продолжува да ги следи сите преработки од проект Маекедонијо во срце те носиме, се до неговата завршница, со цел јавноста навреме да биде информирана за секоја нова песна и нејзината приказна.

Проектот „Македонијо во срце те носиме“ не запира. Песна по песна, оживуваат спомени, емоции и дела што оставиле длабоки траги во македонската музичка историја.

Овојпат, редот дојде на безвременската „Ако умрам ил загинам“, песна која првично ја испеа легендата Јонче Христовски и која со децении ја чува болката и гордоста на еден народ.

Во новата верзија, песната добива свежа сила преку гласот на Наум Петрески – пејачот кој и самиот е симбол на традицијата и македонската изворна песна. Обработката ја потпишува Николче Мицевски, чиј препознатлив стил повторно успеа да ја спои автентичноста на старото со современото музичко чувство.

Особено внимание заслужува и видео записот во кој преку фотографии се евоцирани спомени од пријателството и дружењето на Наум и Јонче Христовски. Вметнати се и кадри со посебна симболика – омаж кон прерано загинатиот Андреј од групата ДНК, кој остави неизбришлива трага на македонската сцена и неизбришлива болка кај македонската публика.

Со оваа изведба, „Ако умрам ил загинам“ добива нов живот за младите генерации, но истовремено останува верна на корените и емоцијата со која е создадена и ќе продолжи да го пренесува истиот оној жар што Христовски го остави зад себе.

Проектот „Македонијо во срце те носиме“ има за цел преку современи изведби да ја зачува традицијата и да потсети на богатото музичко наследство што оставиле најголемите македонски уметници, тоа представува своевидно патување низ времето, а ЕСТРАДА.МК останува тука, да биде сведок и раскажувач на секој чекор до самиот крај.

Поврзани теми:

Следно

Сплотени во музика – започнува големиот концертен караван „Македонијо во срце те носиме“

Не пропуштајте

„Каде сте Македончиња“ уште еднаш оживува – Андријана Јаневска со моќна изведба

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 4 недели

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање