Народна

Фолк Фест „Роса“ по 26-ти пат – вечер посветена на македонската песна и традиција

Објавено

пред 10 месеци

на

ноември 9, 2025

Од

Годинава, љубителите на македонската народна песна повторно ќе уживаат во звуците на „Фолк Фест Роса“, фестивал кој веќе повеќе од две децении ја негува традицијата на новосоздадената авторска фолк музика.
Настанот ќе се одржи на 30 ноември 2025 година (недела), со почеток од 20:00 часот, во свечената сала на Националната опера и балет во Скопје.

„Фолк Фест Роса“ за првпат беше одржан во 1999 година во Универзална сала – Скопје, и со текот на времето стана една од најзначајните музички манифестации во земјата. Фестивалот е од ревијален карактер, без натпреварувачки дел, а секојдневно се доделува специјална награда за животно дело, со која се оддава признание за особен придонес кон македонската музичка сцена.

Низ годините, на сцената на „Роса“ настапиле некои од најпознатите изведувачи на македонската естрада, меѓу кои:
Гоце Арнаудов, Блага Петреска, Миле Кузмановски, Благица Павловска, Виолета Томовска, Атина Апостолова, Ефто Пупиновски, Марјан Коцев, Есма Реџепова, Наум Петрески, Васка Илиева, Смиља Митревска, Татјана Лазаревска, Група „Биоритам“, Група „Дрим Тим“, Никола Костадиновски, Јордан Митев и многу други.

И оваа година, „Фолк Фест Роса“ ќе понуди нови авторски песни, емоции и спој на традиционалното со современото, во духот на македонската народна музика. Настанот ветува богата музичка програма, прекрасна сценографија и момент на почит кон уметниците кои ја одржуваат нашата песна жива.

📅 ФОЛК ФЕСТ РОСА 2025
🗓️ 30 ноември 2025
📍 Национална опера и балет – Скопје
🕗 Почеток: 20:00 часот

Поврзани теми:

Следно

Кој стои зад „Горд Македонец“

Не пропуштајте

Саша Матиќ го објави вториот дел од албумот „Ноќас нам не гине љубав

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 11 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање