Народна

Кој стои зад „Горд Македонец“

Објавено

пред 9 месеци

на

ноември 11, 2025

Од

Цаци

Од нигде-никаде, но со срце полно македонски жар – на Фејсбук се појави ново име кое брзо го освои вниманието на публиката – „Горд Македонец“. Зад овој патриотско музички проект, стои младиот ентузијаст Димче Ѓорѓиовски, 30-годишно момче од познатото село Прибилци, селото опеано во легендарната песна „Ја излези Ѓурѓо“.

Со своето прво музичко појавување, Димче направи вистински бум меѓу љубителите на македонската народна и патриотска песна. Неговита песна ..Непокорни Македонци” полна со емоции, гордост и љубов кон татковината ги потсети сите дека патриотизмот не е заборавен, туку само чека некој млад и храбар да го продолжи.

„Горд сум на моето потекло, на моето Прибилци – селото опеано во песната ‘Ја излези Ѓурѓо’. Таа песна за мене е химна, гордост и инспирација,“ вели Димче, чија љубов кон традицијата го води во секој чекор.

„Нашата култура, јазикот, носијата, архитектурата, фолклорот – тоа се нашите богатства. Им се восхитувам на предците и ги поддржувам сите млади кои со срце ја промовираат Македонија,“ додава тој.

Иако млад, Димче зборува со зрелост за љубовта кон Македонија:
„Не сме голем народ можеби, но имаме голема душа. Господ ја гледа љубовта во нашите срца. Немаме зло кон никого – само ја сакаме нашата земја и нашата слобода.“

Плановите и желбите на Димче се големи, но како што самиот вели, за нив се потребни многу време и финансии. Засега со скромни финансиски услови, но со огромна волја, Димче сам ги пишува и создава своите песни – користејќи AI технологии за аудио и видео продукција. „Сѐ уште сум почетник, но верувам дека Господ ќе даде сила и можности да ги снимам песните професионално. Моја желба е да остане присутен фолклорот, македонското, оригиналното. Плановите ми се да чекорам по патот што го започнав, ширење и промоција на македонската народна песна, поддршка на младите таленти. “

Димче ја љуби Македонија и со тоа што сака да ја запознае цела, па така, во 2024 година, тој ја обиколил речиси цела Македонија — од југоисток до североисток, восхитен од убавините на земјата. „Во иднина сакам да направам повторно тура низ Македонија, само што овој пат нема да биде одредена рута, туку ќе одам од едно место на друго, сакам да ги видам и да ги претставам местата што треба да се знаат и ценат.“

Како новитет за негови следбеници, чиј број од ден на ден се зголемува, Димче најавува и нова песна со наслов „Таму во гората“, која ќе биде уште поемоционална и посилна со порака за љубовта кон татковината. Со нетрпение ја очекуваме оваа нова творба која ветува да го продолжи патриотскиот бран што тој веќе го започна.

Планови има многу, ентузијазам уште повеќе — а Димче не планира да застане тука. Една од неговите желби е еден ден можеби да запее во бенд, каде што неговиот глас и енергија ќе можат да допрат до уште повеќе срца.

Естрада.мк му посакува на младиот патриот и вистински горд Македонец – Димче Ѓорѓиовски, да успее на патот што го започна, да го оствари својот сон и преку песна да продолжи да ја љуби и носи Македонија низ светот.

Поврзани теми:

Следно

Најголемата кафанска журка во Скопје – три балкански ѕвезди, една ноќ и безброј хитови!

Не пропуштајте

Фолк Фест „Роса“ по 26-ти пат – вечер посветена на македонската песна и традиција

Продолжи со читање

Народна

Туѓината, емоцијата и Македонија во една песна – На 2 август излегува „Летај соколе“ на Горд Македонец и Стефанија Костадинова

Објавено

пред 1 ден

на

јули 31, 2026

Од

Цаци

На македонската музичка сцена се раѓа една нова, искрена и силно емотивна приказна, создадена од две млади личности кои ги спојува нешто многу поголемо од музиката, а тоа е љубовта кон Македонија и љубовта кон песната.

Димче Ѓорѓиовски, момчето кое стои зад препознатливиот профил „Горд Македонец“, за кого Естрада.мк веќе пишуваше, одамна не е само интернет лик. Тој стана симбол на млад човек кој со огромна страст ја промовира Македонија, нејзините традиции, песна, музика и корени. Во време кога многумина забораваат од каде потекнуваат, Димче со секоја своја објава потсетува дека македонскиот дух сè уште живее силно.

Од другата страна е младата и исклучително талентирана Стефанија Костадинова, девојка која има само 16 години, но зад себе веќе носи сериозна музичка приказна. Нејзината љубов кон музиката започнала уште на тригодишна возраст, а уште како дете чувствувала дека песната е нејзиниот животен пат. На само 12 години почнува да објавува видеа на социјалните мрежи, а токму таму нејзиниот талент почнува да привлекува внимание. Следуваат настапи на регионални и државни натпревари по соло пеење, каде што освојува бројни први места и признанија.

Големиот пресврт доаѓа во 2024 година, кога Стефанија учествува на „Македонско Талент Шоу“. Иако имала само 14 години, успева да победи и како награда ја добива својата прва авторска песна – „Заспана убавица“. Потоа настапува и на Art In Festival, каде што освојува фантастични 99 поени и прва награда, а нејзиниот талент ја носи и на престижното музичко натпреварување Hype Zvezde, каде што како најмлада натпреварувачка на само 16 години се пласира меѓу топ 20 финалистите.

И токму тука започнува приказната која деновиве привлекува огромно внимание. Димче и Стефанија ги спои нивниот нов дует „Летај соколе“, песна која носи силна емоција и порака што ќе ја почувствува секој Македонец, без разлика дали живее дома или далеку од татковината. Текстот е дело на Димче Ѓорѓиовски, музиката ја создава тој со делумна помош на AI технологија, додека видеоспотот е реализиран во соработка со Дејан Горгиев и Balkan Music TV. Мизиката е снимена во Д1 студио кај Јован Василевски од Тетово кој што направи Master&voc recording на песната. Димче исто така упатува благодарност до неговите помагатели ,,Македонско катче” од Скопје, до сите оние кои им помогнаа околу костимите и македонските народни носии, а тоа се: Дом на Култура ..Илинден” Демир Хисар, Академија “Еуроарт” и Ансамбл “Јанко Глигоров” Свети Николе.

Песната зборува за туѓината, разделбата, копнежот по родниот крај и судбината на Македонецот кој често мора да замине далеку, но никогаш не ја заборава својата земја. Во неа се испреплетуваат младешката енергија, патриотската емоција и современиот музички пристап, што ја прави уште поинтересна за публиката.

Стефанија не ја крие својата благодарност за оваа соработка и со искрени зборови вели: „Сакам да упатам едно огромно благодарам до човекот кој успеа да ме претстави како бисер пред македонскиот народ и човекот кој ми ја пружа најголемата поддршка, а тоа е Димче Ѓорѓиовски, уште познат како Горд Македонец. Баш ми е мило што го запознав и што ми ја пружи шансата да направиме македонски дует ‘Летај соколе’. Пресреќна сум. А во иднина ве очекуваат и нови соработки со него, односно нови проекти.“

Овие зборови јасно покажуваат дека меѓу нив не се раѓа само музичка соработка, туку и силна уметничка и човечка поддршка. Не е случајно што промоцијата на „Летај соколе“ е закажана за 2 август, ден со огромно историско и емоционално значење за македонскиот народ. Многумина веќе ја очекуваат песната како вистинска патриотска и емотивна музичка приказна која може да допре до срцата на Македонците ширум светот.

Стефанија испрати и искрена порака до своите поддржувачи: „Сакам јавно на сите да се заблагодарам за целата поддршка што ми ја пружате. Започнав од нула, а сега стигнав до 4700 следачи на Инстаграм. Ве сакам!“

Токму оваа скромност, искреност и благодарност ја прават уште поблиска до публиката. Во време кога младите често се губат во трендови без вредност, Димче Ѓорѓиовски и Стефанија Костадинова испраќаат поинаква порака, дека македонската песна, традиција и емоција сè уште имаат иднина.

Останува на 2 август да ја слушнеме „Летај соколе“ и да видиме дали оваа песна ќе стане новиот глас на младата генерација која сака да ја носи Македонија во срцето, каде и да се наоѓа. 🇲🇰🎶

Продолжи со читање