Шоу Биз
Зона М1 бронза на 9. Меморијален турнир „Милко Илиевски“
На 9-от меморијален турнир „Милко Илиевски“ екипата на Зона М1 го освои високото трето место.
Вчера вечер, токму на денот на независноста на Република Македонија, заврши 9-от Меморијален турнир „Милко Илиевски“, кој по традиција носи големи возбудувања и спортски дух.
Шампионската титула оваа година и припадна на екипата на Енерго Монт, второто место го освои тимот на ВМРО ОК, додека борбената екипа на Зона М1 заслужено се закити со бронзениот медал, откако во драматична завршница и пенал-рулет ја совлада екипата на Пин Петрол.
Зона М1 настапи во состав: Пепи Трајчевски, Дарко Мицевски, Бојан Илиев, Давид Ристовски, Кристијан Ристовски, Алексeј Милчевски, Филип Филиповски и голманот Ненад Ѓорѓиевски. Главен спонзор, поддржувач и мотиватор на екипата е Марјан Тасевски, кој стои зад тимот и во добри и во тешки моменти.
Особено внимание заслужува водачот на тимот – Пепи Трајчевски. Со несебична борба, исклучителна посветеност и силен карактер, тој ја водеше Зона М1 кон третото место, давајќи максимум на теренот и поттикнувајќи ја екипата да игра компактно, борбено и со позитивен елан.
Но, зад спортскиот лик на Пепи се крие и една подеднакво инспиративна животна приказна. Тој е среќно оженет со Весна Николовска Трајчевска и горд татко на две дечиња – Марко и Дамјан. Воедно, Пепи ја има една од најхуманите професии – пожарникар, професија која ја извршува со огромна посветеност. За својот придонес е награден и со признание за „Хуман пожарникар“, покрај бројните признанија и награди што ги има освоено во мал фудбал.
Вон теренот, Пепи е љубител на природата и музиката, често присуствува на концерти, рекреативно вози баги и ужива во адреналинските предизвици. Токму таа животна енергија и љубов кон спортот, семејството и професијата го прават да биде вистински пример за младите генерации.
Бронзеното место на Зона М1 е повеќе од спортски успех – тоа е потврда дека тимска работа, храброст и човечност можат да бидат клучот за победа. А токму Пепи Трајчевски е симбол на таа комбинација – лидер на теренот и херој во секојдневието.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026