Шоу Биз
Јордан Митев стана татко, а што прави дел од македонската естрада
Македонската музичка сцена е жива и полна со активности – познатите изведувачи низ земјава и надвор од неа продолжуваат со концерти, нови проекти и убави вести. Ајде да видиме каде се и што прават дел од македонската естрада.
Еден од најголемите актуелни настани е проектот „Македонијо во срце те носиме“, кој го обедини врвот на македонската естрада. Наум Петрески, Сузана Спасовска, Бојана Скендеровски, Спасен Сиљаноски, Миле Кузмановски, Огнен Здравковски, Зуица Лазова, Андријана Јаневска, Ламбе Алабаковски, Мина Блажев, Марија Спасовска и Александар Тарабунов веќе неколку недели одржуваат концерти низ целата држава. Последниот настап беше во Прилеп, каде што публиката им приреди овации за концертот исполнет со патриотски и народни ноти.
Меѓу најинтересните моменти беше и „заобиколената“ најава на Наум Петрески дека работи на нов материјал – дали станува збор за целосен албум или само нова песна, останува да видиме.
Во меѓувреме, Влатко Миладиновски најави австралиска турнеја заедно со брат му Златко и колегата Дамјан Стојановски, што ќе биде вистинска музичка атракција за нашата дијаспора.
Анета Љумаковска, пак, по своето гостување на Радио телевизија Србија по повод одбележувањето на 90 години постоење, каде што изведе неколку македонски народни песни, се подготвува за настап на традиционалната Велешка питијада на 12 октомври.
Исто така, Стојне Николова веќе најави нови проекти, оставајќи ја јавноста во исчекување за следните изненадувања на сцената.
За една од најубавите вести се погрижи Јордан Митев, кому на Крстовден му се роди син, кому му го даде името Кристијан.
Очигледно е дека македонските пејачи не мируваат – со концерти, нови песни, турнеи и лични радости, тие уште еднаш потврдуваат дека ја носат музиката во срцето и сакаат свите професионални и природни радости да ги споделуваат со својата публика.
Шоу Биз
Македонска песна во холивудски филм – „На Струга дуќан да имам“ стаса до Холивуд
Македонската традиционална музика добива уште едно интересно место на светската филмска сцена. Една од песните што со децении е дел од македонското музичко наследство – „На Струга дуќан да имам“ – се слуша во американскиот филм „The Rivals of Amziah King“, во кој главните улоги ги толкуваат познатите актери Метју Меконахи и Курт Расел.
Станува збор за американски неовестерн трилер во режија на Ендру Патерсон, а токму изборот на македонската песна му дава специфичен музички печат на дел од филмот. Иако приказната и музичкиот концепт се силно поврзани со американската блуграс и рутс традиција, во филмот се појавува звук кој доаѓа од сосема поинаков музички простор.
Верзијата на „На Струга дуќан да имам“ која е употребена во филмот е аранжирана од Етел Рејм, а ја изведува Женскиот вокален ансамбл „Китка“ од Оукленд, Калифорнија, заедно со Шира Камен и Питер Маунд. Ансамблот е посветен на источноевропските женски вокални традиции, што дополнително го објаснува начинот на кој македонската песна е вклопена во музичкиот амбиент на филмот.
Особено впечатлив е начинот на кој традиционалната мелодија функционира во филмскиот контекст. Нејзините вокални хармонии и карактеристичниот 7/8 ритам носат препознатлива динамика, но и чувство на движење и напнатост, создавајќи атмосфера која се разликува од доминантниот американски музички израз во филмот.
„На Струга дуќан да имам“ е песна која во македонската традиција одамна ги надминала границите на едно место или една генерација. Во нејзината основа е љубовната приказна, разиграна и ведра, но со силна емотивна порака. Стихот „срцево ми го изгоре“ ја носи страста и копнежот на момчето кое ја очекува својата сакана да помине покрај него.
Најпознатата верзија е поврзана со Струга, но песната низ времето добила и други локални варијанти, во кои се споменуваат различни македонски градови и маала.
Фактот што токму ваква песна нашла свое место во американска филмска продукција е уште еден пример како традиционалниот македонски музички израз може да најде пат до публика далеку надвор од Балканот.
Филмот „The Rivals of Amziah King“ од 14 август се прикажува во американските кина, а македонската песна во неговиот саундтрак веќе привлече внимание и на социјалните мрежи, каде што е споделена и сцената во која се слуша нејзината изведба.
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026