Шоу Биз

„Вкуси го југот“ во Гевгелија: Три дена музика, традиција и забава

Објавено

пред 1 година

на

септември 13, 2025

Од

Цаци

Гевгелија од 12 до 14 септември ќе биде центар на традицијата, културата и забавата со третото издание на фестивалот „Вкуси го југот“ (Taste the South). Под покровителство на Општина Гевгелија, оваа културно-забавна манифестација ќе ја претстави богатата гастрономска и музичка понуда на југот од државата, во комбинација со едукативни и културни содржини.

Традиција и гастрономија

На локацијата кај новиот пазар, најјужниот македонски град три дена ќе живее во духот на јужњачката традиција – од подготовка на домашни специјалитети по старински рецепти до настапи на културно-уметнички друштва, фолклорни ансамбли и солисти. Програмата ќе ја збогатат и школата за тапани, школата за гитара, школата за танци, како и детскиот фестивал „Калинка“, наменети за најмладите посетители.

Музичка програма за сите генерации

Најголемото внимание ќе го привлечат вечерните концерти со внимателно избрани македонски изведувачи од поп, рок и етно сцената. Фестивалската програма е поделена во три вечери

Гевгелија – град на вкусот и забавата

„Вкуси го југот“ веќе стана препознатлив белег на Гевгелија и манифестација која не е само музички хепенинг, туку вистинска фузија на традицијата, културата и модерната забава. Со десетици содржини, настапи и богата гастрономска понуда, овој фестивал ќе претвори три септемвриски вечери во празник за сите сетила.

Поврзани теми:

Следно

Ѕвездите на Гранд се далеку, но срцето на Александар Стевановски сеуште пее преку стихови

Не пропуштајте

На 18-ти септември село Булачани ќе чука „во ритам на хуманоста“ со голем концерт

Продолжи со читање

Шоу Биз

ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!

Објавено

пред 18 часа

на

октомври 14, 2026

Од

Цаци

Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.

Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.

Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.

Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.

За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.

Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.

Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.

Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.

Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.

Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!

Продолжи со читање