Народна

Во рамки на проектот ,,Македонијо во срце те носиме” Спасен Сиљаноски со нова обработка на песната „Како што е таа чаша“

Објавено

пред 1 година

на

јули 17, 2025

Од

Во рамките на музичкиот проект „Македонијо во срце те носиме“, кој има за цел да ги оживее старите македонски народни песни преку нови аранжмани и современи изведувачи, вчера беше објавена четвртата песна од серијалот – „Како што е таа чаша“, во изведба на Сапсен Сиљаноски.

Познатиот пејач, кој неодамна се врати од краток одмор во Дубровник, оваа класична народна песна ја претстави во модерен, но емотивно автентичен аранжман. Со оваа изведба, Сиљаноски успеа да ја задржи душата на македонската традиција, додека истовремено ѝ внесе свежа енергија и современ звук.

Песната „Како што е таа чаша“ претставува дел од богатото културно наследство на Македонија. Како прв познат изведувач се смета легендарниот Александар Сариевски, чие име е нераскинливо поврзано со македонската народна музика. Подоцна, песната ја препеаја и големи имиња како Петранка Костадинова, Никола Бадев, како и дуетот Селимова–Желчевски и многу други, со што, секој на свој начин оставија трага врз оваа мелодиска и емотивна тема.

Изведбата на Сиљаноски е четврта по ред во рамки на проектот „Македонијо во срце те носиме“, кој има за цел преку современи артисти да го зачува и промовира македонскиот музички идентитет. Претходните три песни веќе добија позитивни критики.

Се разбира песната е пропратена со прекрасен видео запис во кој, Спасен Сиљаноски се појавува во автентично македонско амбиентално опкружување – чаша со вино, ноќна светлина и традиционални детали кои ја нагласуваат емоцијата на песната. Камерата фокусира на изразот на пејачот, додека топлиот аранжман ја придружува меланхолијата и длабочината на оваа стара македонска народна песна. Визуелната естетика е едноставна, но моќна – вистинско визуелно продолжение на музичката душа.

Проектот „Македонијо во срце те носиме“ е пример за успешно негување на музичката традиција. Секоја песна од проектот претставува мост меѓу минатото и сегашноста, создавајќи културен континуитет кој ја зачувува македонската душа.

Со секоја нова обработка, „Македонијо во срце те носиме“ продолжува да зближува генерации, култури и времиња – од Старите мајстори до новите интерпретатори, траејќи како мост помеѓу минатото и сегашноста на македонската музика.

Во очекување, сме на следната песна од проектот ,,Македонијо во срце те носиме”.

Поврзани теми:

Следно

Спасе Антевски легендарниот хит „Запејте сите ангели“ го враќа во нов аранжман

Не пропуштајте

Од 11 до 13 јули Галичник беше центарот на културните случувања – Галичка свадба 2025

Продолжи со читање

Народна

Туѓината, емоцијата и Македонија во една песна – На 2 август излегува „Летај соколе“ на Горд Македонец и Стефанија Костадинова

Објавено

пред 5 дена

на

јули 31, 2026

Од

Цаци

На македонската музичка сцена се раѓа една нова, искрена и силно емотивна приказна, создадена од две млади личности кои ги спојува нешто многу поголемо од музиката, а тоа е љубовта кон Македонија и љубовта кон песната.

Димче Ѓорѓиовски, момчето кое стои зад препознатливиот профил „Горд Македонец“, за кого Естрада.мк веќе пишуваше, одамна не е само интернет лик. Тој стана симбол на млад човек кој со огромна страст ја промовира Македонија, нејзините традиции, песна, музика и корени. Во време кога многумина забораваат од каде потекнуваат, Димче со секоја своја објава потсетува дека македонскиот дух сè уште живее силно.

Од другата страна е младата и исклучително талентирана Стефанија Костадинова, девојка која има само 16 години, но зад себе веќе носи сериозна музичка приказна. Нејзината љубов кон музиката започнала уште на тригодишна возраст, а уште како дете чувствувала дека песната е нејзиниот животен пат. На само 12 години почнува да објавува видеа на социјалните мрежи, а токму таму нејзиниот талент почнува да привлекува внимание. Следуваат настапи на регионални и државни натпревари по соло пеење, каде што освојува бројни први места и признанија.

Големиот пресврт доаѓа во 2024 година, кога Стефанија учествува на „Македонско Талент Шоу“. Иако имала само 14 години, успева да победи и како награда ја добива својата прва авторска песна – „Заспана убавица“. Потоа настапува и на Art In Festival, каде што освојува фантастични 99 поени и прва награда, а нејзиниот талент ја носи и на престижното музичко натпреварување Hype Zvezde, каде што како најмлада натпреварувачка на само 16 години се пласира меѓу топ 20 финалистите.

И токму тука започнува приказната која деновиве привлекува огромно внимание. Димче и Стефанија ги спои нивниот нов дует „Летај соколе“, песна која носи силна емоција и порака што ќе ја почувствува секој Македонец, без разлика дали живее дома или далеку од татковината. Текстот е дело на Димче Ѓорѓиовски, музиката ја создава тој со делумна помош на AI технологија, додека видеоспотот е реализиран во соработка со Дејан Горгиев и Balkan Music TV. Мизиката е снимена во Д1 студио кај Јован Василевски од Тетово кој што направи Master&voc recording на песната. Димче исто така упатува благодарност до неговите помагатели ,,Македонско катче” од Скопје, до сите оние кои им помогнаа околу костимите и македонските народни носии, а тоа се: Дом на Култура ..Илинден” Демир Хисар, Академија “Еуроарт” и Ансамбл “Јанко Глигоров” Свети Николе.

Песната зборува за туѓината, разделбата, копнежот по родниот крај и судбината на Македонецот кој често мора да замине далеку, но никогаш не ја заборава својата земја. Во неа се испреплетуваат младешката енергија, патриотската емоција и современиот музички пристап, што ја прави уште поинтересна за публиката.

Стефанија не ја крие својата благодарност за оваа соработка и со искрени зборови вели: „Сакам да упатам едно огромно благодарам до човекот кој успеа да ме претстави како бисер пред македонскиот народ и човекот кој ми ја пружа најголемата поддршка, а тоа е Димче Ѓорѓиовски, уште познат како Горд Македонец. Баш ми е мило што го запознав и што ми ја пружи шансата да направиме македонски дует ‘Летај соколе’. Пресреќна сум. А во иднина ве очекуваат и нови соработки со него, односно нови проекти.“

Овие зборови јасно покажуваат дека меѓу нив не се раѓа само музичка соработка, туку и силна уметничка и човечка поддршка. Не е случајно што промоцијата на „Летај соколе“ е закажана за 2 август, ден со огромно историско и емоционално значење за македонскиот народ. Многумина веќе ја очекуваат песната како вистинска патриотска и емотивна музичка приказна која може да допре до срцата на Македонците ширум светот.

Стефанија испрати и искрена порака до своите поддржувачи: „Сакам јавно на сите да се заблагодарам за целата поддршка што ми ја пружате. Започнав од нула, а сега стигнав до 4700 следачи на Инстаграм. Ве сакам!“

Токму оваа скромност, искреност и благодарност ја прават уште поблиска до публиката. Во време кога младите често се губат во трендови без вредност, Димче Ѓорѓиовски и Стефанија Костадинова испраќаат поинаква порака, дека македонската песна, традиција и емоција сè уште имаат иднина.

Останува на 2 август да ја слушнеме „Летај соколе“ и да видиме дали оваа песна ќе стане новиот глас на младата генерација која сака да ја носи Македонија во срцето, каде и да се наоѓа. 🇲🇰🎶

Продолжи со читање