Народна

Од 11 до 13 јули Галичник беше центарот на културните случувања – Галичка свадба 2025

Објавено

пред 1 година

на

јули 16, 2025

Од

Во срцето на планинскиот пејзаж на Бистра, од 11 до 13 јули се одржа уште едно издание на традиционалната Галичка свадба, културна манифестација која секоја година го оживува богатото македонско фолклорно наследство. Годинашни главни актери во оваа уникатна прослава беа младоженците Јован Филиповски и Лилјана Михајлоска, чие обединување беше крунисано низ ритуали, песни и обичаи стари со векови.

Тридневната свадба, која секогаш се одржува за Петровден, привлече стотици посетители од земјата и странство, љубопитни да го почувствуваат духот на некогашната галичка свадбена традиција. Настанот започна со пристигнувањето на сватовите, продолжи со ритуалот на бричење на младоженецот, носењето на невестата на коњ, свадбените ора, како и изведбата на оригиналната галичка носија со автентични везови и детали.

Јован и Лилјана, избрани преку конкурс организиран од Здружението на Галичани, истакнаа дека за нив е огромна чест да бидат дел од оваа длабоко вкоренета традиција. Јован истакна – „Уште како дете сонував еден ден да бидам дел од Галичка свадба. Тоа се многу повеќе од свадбарски обичаи – тоа е љубов, идентитет и исконска гордост”, а Лилјана ги искажа своите чувства на гордост што има чест да ги носи народните носии, кои ги носеле нашите предци и рече – „Чувството кога облекуваш автентична носија и чекориш низ истите патеки по кои чекореле генерации пред тебе е неописливо. За нас ова е завет и голема чест“.

На Галичката свадба присуствуваше претседателката Гордана Сиљановска-Давкова која честитајќи им на младите истакна – ,,Галичката свадба е нешто што е дел од нашиот идентитет, нешто што е единствено, нешто што никаде го нема, нешто што нѐ прави посебни и треба да се негува. Радосна сум што многу млади го прифаќаат и ја продолжуваат оваа традиција”.

Организатор на манифестацијата е месната заедница „Галичник“ им честиташе на младите и го искажаа задоволство што младите сакаат да ја продолжат традицијата, меѓу другото изјавија – „Продолжуваме со посветеност да ја чуваме оваа ретка традиција жива. Радува фактот што секоја година се зголемува интересот кај младите генерации да бидат дел од Галичка свадба. Toa за нас претставува најсилен доказ дека обичаите и културното наследство се темел на нашиот идентитет, сегашност и иднина. Благодарни сме на институциите и големиот број компании чија поддршка има пресудно значење за организирањето и одржувањето на атрактивноста на манифестацијата“.

Настанот беше збогатен и со настапи на културно-уметнички друштва, изложби на ракотворби, како и со традиционални гозби подготвени од локалните жители. Во текот на манифестацијата се оддаде почит и на старите галички семејства, чии имиња се врежани во историјата на селото.

Галичката свадба останува симбол на љубовта, традицијата и националниот идентитет – мост меѓу минатото и иднината, каде што се спојуваат времето, обичаите и љубовта под отворено небо.

Поврзани теми:

Следно

Во рамки на проектот ,,Македонијо во срце те носиме” Спасен Сиљаноски со нова обработка на песната „Како што е таа чаша“

Не пропуштајте

Наум Петрески снима нов музички проект – дали се работи нова песна или за легендарна песна во нов аранжман?

Продолжи со читање

Народна

Туѓината, емоцијата и Македонија во една песна – На 2 август излегува „Летај соколе“ на Горд Македонец и Стефанија Костадинова

Објавено

пред 1 ден

на

јули 31, 2026

Од

Цаци

На македонската музичка сцена се раѓа една нова, искрена и силно емотивна приказна, создадена од две млади личности кои ги спојува нешто многу поголемо од музиката, а тоа е љубовта кон Македонија и љубовта кон песната.

Димче Ѓорѓиовски, момчето кое стои зад препознатливиот профил „Горд Македонец“, за кого Естрада.мк веќе пишуваше, одамна не е само интернет лик. Тој стана симбол на млад човек кој со огромна страст ја промовира Македонија, нејзините традиции, песна, музика и корени. Во време кога многумина забораваат од каде потекнуваат, Димче со секоја своја објава потсетува дека македонскиот дух сè уште живее силно.

Од другата страна е младата и исклучително талентирана Стефанија Костадинова, девојка која има само 16 години, но зад себе веќе носи сериозна музичка приказна. Нејзината љубов кон музиката започнала уште на тригодишна возраст, а уште како дете чувствувала дека песната е нејзиниот животен пат. На само 12 години почнува да објавува видеа на социјалните мрежи, а токму таму нејзиниот талент почнува да привлекува внимание. Следуваат настапи на регионални и државни натпревари по соло пеење, каде што освојува бројни први места и признанија.

Големиот пресврт доаѓа во 2024 година, кога Стефанија учествува на „Македонско Талент Шоу“. Иако имала само 14 години, успева да победи и како награда ја добива својата прва авторска песна – „Заспана убавица“. Потоа настапува и на Art In Festival, каде што освојува фантастични 99 поени и прва награда, а нејзиниот талент ја носи и на престижното музичко натпреварување Hype Zvezde, каде што како најмлада натпреварувачка на само 16 години се пласира меѓу топ 20 финалистите.

И токму тука започнува приказната која деновиве привлекува огромно внимание. Димче и Стефанија ги спои нивниот нов дует „Летај соколе“, песна која носи силна емоција и порака што ќе ја почувствува секој Македонец, без разлика дали живее дома или далеку од татковината. Текстот е дело на Димче Ѓорѓиовски, музиката ја создава тој со делумна помош на AI технологија, додека видеоспотот е реализиран во соработка со Дејан Горгиев и Balkan Music TV. Мизиката е снимена во Д1 студио кај Јован Василевски од Тетово кој што направи Master&voc recording на песната. Димче исто така упатува благодарност до неговите помагатели ,,Македонско катче” од Скопје, до сите оние кои им помогнаа околу костимите и македонските народни носии, а тоа се: Дом на Култура ..Илинден” Демир Хисар, Академија “Еуроарт” и Ансамбл “Јанко Глигоров” Свети Николе.

Песната зборува за туѓината, разделбата, копнежот по родниот крај и судбината на Македонецот кој често мора да замине далеку, но никогаш не ја заборава својата земја. Во неа се испреплетуваат младешката енергија, патриотската емоција и современиот музички пристап, што ја прави уште поинтересна за публиката.

Стефанија не ја крие својата благодарност за оваа соработка и со искрени зборови вели: „Сакам да упатам едно огромно благодарам до човекот кој успеа да ме претстави како бисер пред македонскиот народ и човекот кој ми ја пружа најголемата поддршка, а тоа е Димче Ѓорѓиовски, уште познат како Горд Македонец. Баш ми е мило што го запознав и што ми ја пружи шансата да направиме македонски дует ‘Летај соколе’. Пресреќна сум. А во иднина ве очекуваат и нови соработки со него, односно нови проекти.“

Овие зборови јасно покажуваат дека меѓу нив не се раѓа само музичка соработка, туку и силна уметничка и човечка поддршка. Не е случајно што промоцијата на „Летај соколе“ е закажана за 2 август, ден со огромно историско и емоционално значење за македонскиот народ. Многумина веќе ја очекуваат песната како вистинска патриотска и емотивна музичка приказна која може да допре до срцата на Македонците ширум светот.

Стефанија испрати и искрена порака до своите поддржувачи: „Сакам јавно на сите да се заблагодарам за целата поддршка што ми ја пружате. Започнав од нула, а сега стигнав до 4700 следачи на Инстаграм. Ве сакам!“

Токму оваа скромност, искреност и благодарност ја прават уште поблиска до публиката. Во време кога младите често се губат во трендови без вредност, Димче Ѓорѓиовски и Стефанија Костадинова испраќаат поинаква порака, дека македонската песна, традиција и емоција сè уште имаат иднина.

Останува на 2 август да ја слушнеме „Летај соколе“ и да видиме дали оваа песна ќе стане новиот глас на младата генерација која сака да ја носи Македонија во срцето, каде и да се наоѓа. 🇲🇰🎶

Продолжи со читање