Народна

Спасе Антевски легендарниот хит „Запејте сите ангели“ го враќа во нов аранжман

Објавено

пред 1 година

на

јули 20, 2025

Од

Песна „Запејте сите ангели“, која првично беше отпеана во 1991 година на Фолк фест Валандово, од легендарниот Гоце Николовски, песна која стана вистински хит и остави трајни траги во македонската музика, сега се враќа на сцената во нов аранжман, кој е дело на искусниот Слаѓан Станишковски, во изведба на популарниот Спасе Антевски, а снимена во студиото на Ангел Ќосев.

Првично компонирана од Горан Алачки, „Запејте сите ангели“ го освои срцето на публиката во 90-тите години и веднаш стана еден од најпопуларните македонски фолк хитови. Со многу емоција и силни изведби, оваа песна прерасна во вечен класик.

Но, оваа година, Спасе Антевски го презеде ризикот и доби зелено светло од Алачки да ја изведе песната во нова форма. Според него, ова не е само повторување на стариот хит, туку и шанса да се донесе нов живот во песната, при што му било дозволено да работи во нов аранжман под диригентската рака на Слаѓан Станишковски.

Клучните моменти во каверот на „Запејте сите ангели“ е тоа што ја зачувуваат магијата на песната од оригиналот, но и внесуваат нови музички елементи, благодарение на работењето на познатите македонски музичари кои се дел од продукцијата, кавалот и зурлата на Гоце Димовски, тамбурите и тапаните на Мартин Илиевски, како и гитара на Глигориј Стојанов се одлучувачки елементи во новата верзија.

Целокупната продукција и акција е на ТВ Плус, продукција која внесува високи стандарди, кои прават музиката да звучи не само автентично, туку и модерно и актуелно.

Овој проект е сигурен чекор во кариерата на Спасе Антевски, ја потврдува неговата музичка вредност, и ја осветлува важноста на традицијата и иновацијата во македонската музика.

„Запејте сите ангели“ отпеана во ново руво од Спасе Антевски со оваa изведба е доказ дека најдобрите хитови не стареат – тие живеат со нас, се менуваат, но никогаш не го губат својот дух.

Поврзани теми:

Следно

Во рамки на проектот „Македонијо во срце те носиме“ Марија Спасовска ја препеа „Ја излези стара мајко“

Не пропуштајте

Во рамки на проектот ,,Македонијо во срце те носиме” Спасен Сиљаноски со нова обработка на песната „Како што е таа чаша“

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 1 месец

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање