Народна

Зуица Лазова со емотивна изведба на „Горда Македонка“ во рамки на проектот „Македонијо, во срце те носиме“

Објавено

пред 1 година

на

јули 29, 2025

Од

Во рамки на културно-музичкиот проект „Македонијо, во срце те носиме“, кој има за цел да ја зачува и реафирмира македонската музичка традиција, вчера беше промовирана нова песна – „Горда Македонка“. Овојпат во современа, но верна на духот на оригиналот, интерпретација од популарната фолк-пејачка Зуица Лазова.

Песната првично ја изведуваше Славка Младеновска, чиешто име е синоним за традиционалната македонска музика. Нејзината оригинална верзија на „Горда Македонка“ остана врежана во меморијата на публиката како химна на македонската жена – достоинствена, силна и полна со љубов кон своите корени.

Зуица Лазова, која зад себе има богата кариера и многубројни настапи во земјата и дијаспората, успеа преку оваа нова изведба да внесе свежина и емоционална длабочина, притоа почитувајќи го автентичниот дух на композицијата. Со нејзиниот препознатлив вокал и сценска енергија, Лазова уште еднаш потврдува зошто е една од највлијателните гласови на македонската народна сцена.

Проектот „Македонијо, во срце те носиме“ продолжува да ги поврзува генерациите преку музика, носејќи ги старите народни песни до нова публика. Преку професионални аранжмани, визуелни продукции и избор на врвни интерпретатори, проектот не само што ја чува македонската културна историја, туку ја ревитализира и прави достапна за новите генерации.

Промоцијата на песната беше придружена со видеоспот, кој дополнително ја нагласува пораката за женската сила, љубовта кон татковината и гордоста да се биде Македонка. Реакциите од публиката не изостанаа – социјалните мрежи се преплавени со позитивни коментари и споделувања, а многумина ја нарекуваат „новата химна на македонската жена“.

Со оваа интерпретација, Зуица Лазова потврди дека македонската народна песна живее, се развива и добива нова вредност преку вакви проекти.

Поврзани теми:

Следно

Битола ја затвора сцената на светот – денес свечено завршуваат 55-тите „Илинденски денови“

Не пропуштајте

Во рамки на проектот „Македонијо, во срце те носиме“ Мина Блажев ја препеа и внесе свежа емоција во песната „По друм одам“

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 1 месец

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање