Народна

Во рамки на проектот „Македонијо, во срце те носиме“ Мина Блажев ја препеа и внесе свежа емоција во песната „По друм одам“

Објавено

пред 1 година

на

јули 25, 2025

Од

Младата македонска пејачка Мина Блажев се појави во јавноста со својата најнова интерпретација на безвременската македонска песна „По друм одам“, како дел од проектот „Македонијо, во срце те носиме“. Да потсетиме, во оригинална изведба песната ја отпеа легендарната Петранка Костадинова која зад себе остави и многу други, македонски народни песни како безвременски хитови. Со овој потег, Мина Блажева уште еднаш го покажа својот сензибилитет кон музичкото наследство на Македонија, претставувајќи ја традицијата во современ звук и дух.

Проектот „Македонијо, во срце те носиме“, под водство на маестро Николче Мицевски, има за цел да ги оживее и преработи најубавите македонски народни песни, со учество на разни изведувачи. Преку овој концепт, Мина вдахна нов живот во песната „По друм одам“, при што нејзиниот емоционален вокал и нежната инструментална подлога создадоа чувство на носталгија и почит кон корените.

Аранжманот, потпишан од Мицевски, успеа да го задржи етно-звукот карактеристичен за оригиналната верзија, но истовремено внесува и модерни елементи кои ја прават песната привлечна и за младата публика.

Ова не е прв пат Мина да се впушти во проекти со патриотски набој – нејзината верзија на „Море сокол пие“, исто така дел од истиот проект, наиде на одлични реакции од публиката и критичарите.

Со оваа изведба, Мина Блажев уште еднаш потврдува дека иако припадник на младата генерација, таа длабоко ја разбира и почитува музичката традиција на Македонија, притоа нудејќи ѝ современа форма и чувство што допира до сите генерации.

Поврзани теми:

Следно

Зуица Лазова со емотивна изведба на „Горда Македонка“ во рамки на проектот „Македонијо, во срце те носиме“

Не пропуштајте

Александар Јосифовски со нова песна”Стара мајка” топла почит до мајката и татковината

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 13 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање