Шоу Биз

Дали Македонија е подготвена за концерт со 500.000 луѓе? „Боемот 2.0“ повикува, јавноста реагира

Објавено

пред 1 година

на

јули 15, 2025

Од

Пред неколку дена на Фејсбук профилот „Боемот 2.0“ беше објавен статус кој предизвика сериозна реакција на социјалните мрежи и пошироко во јавноста. Авторот на страницата јавно напиша – Време е за масовен концерт – Да се собереме 500.000 луѓе на концерт на Орце Стевковски – Царот.

Во истиот статус Боемот образложува зошто токму Орце Стефковски да биде носителот на таквиот настан. Тој вели – Ако Хрватите можат да го имаат Томпсон и да пее на хиподромот каде ќе се соберат 500.000 луѓе, ако Србите ја имаат Цеца за која најавуваат масовен концерт тогаш и ние можеме да се рамниме со нив. Но, не само тоа. Ние имаме далеку подобар кандидат којшто во најмала рака е македонскиот Томпсон, а не па многу повеќе. Драги гладачи станува збор за единствениот Орце Стевковски – Царот.

Хрватскиот пејач Марко Перковиќ – Томсон, е познат по своите масовни концерти и контроверзни текстови со националистичка содржина. Неговите настапи редовно привлекуваат илјадници посетители, но честопати се следени со критики за говор на омраза, историски ревизионизам и политичка пропаганда.

Идејата дека сличен настан би можел да се организира во Македонија, со пејач што има слична тематска ориентација, но разлика сепак постои и Боемот продолжува – Е сега, Орце е далеку подобар од Томпсон. Зошто? Орце не се поврзува со екстремизам, говор на омраза или фашистички симболи. На Орце не му треба медиумски скандал да е популарен. Орце е популарен само поради музиката и срцето. Без реклами, без скандали – само душа и глас. Орце е далеку подобар затоа што нема маркетинг, нема скандали со името, туку тој е човек на народот.

Реакциите во јавноста не изостанаа. Дел од граѓаните во коментарите ја поддржаа идејата, сметајќи дека на Македонија ѝ треба голем културен собир што ќе го покаже патриотизмот без срам и страв.

Следниот ден, на истата страница беше објавен втор статус, овојпат со иронично – сатирична најава за очекуваните реакции на јавноста и јавните личности, од медиумски хајки, до обвинувања за национализам, популизам и политички мотиви. Според Боемот 2.0, ако евентуално се одржи голем концерт на Орце Стевковски – Царот сигурно ќе има голема медиумска фама. Тој вели – Орце нема да стигне ниту да се искаже, веднаш ќе почне хејтот.

И секако мислењата се разминуваат, па така поддржувачите го гледаат концертот како можност за обединување, за израз на национална гордост, за културна мобилизација., додека критичарите предупредуваат дека вакви настани може да бидат политички злоупотребени, да ги засилат поделбите и да ги затскријат реалните проблеми во општеството.

Естрада.мк гласно размислува, организирање на концерт со 500.000 луѓе е огромен предизвик дури и за светските музички ѕвезди. Прашањата се бројни:

Каде би се одржал таков настан?

Кој би го финансирал?

Какви би биле безбедносните мерки?

И најважното: кој е мотивот зад идејата – културна иницијатива или политичка агенда.

Јавната дебата е веќе отворена. Еден Фејсбук статус можеби нема сила да организира концерт со 500.000 луѓе, но очигледно има сила да отвори сериозни прашања: што значи патриотизам во 2025 година и која е неговата улога во музиката, културата и општеството.

Поврзани теми:

Следно

Стоје Арсовски – пензионираниот херој што и понатаму лета за Македонија

Не пропуштајте

Марко Михајловиќ – младиот клавијатурист од Србија со нови музички хоризонти

Продолжи со читање

Шоу Биз

Почина легендарниот актер Гоце Тодоровски – Македонија се простува од еден од своите најголеми уметници

Објавено

пред 19 часа

на

јули 27, 2026

Од

Цаци

Македонската културна сцена остана без едно од своите најпрепознатливи имиња. На 75-годишна возраст почина актерот Гоце Тодоровски, човекот чии улоги со децении ги насмејуваа, трогнуваа и обединуваа генерации гледачи.

Тажната вест ја соопшти неговата ќерка Сашенка Тодоровска преку објава на социјалните мрежи, со емотивни зборови со кои се прости од својот татко.

„По голема борба нè напушти Гоце Тодоровски. Лесна ти земја, татко мој. Душата не умира, а телото беше премногу истрошено. Летај со ангелите“, напиша таа.

Гоце Тодоровски е роден на 30 април 1951 година во Кичево. По завршувањето на актерските студии во Скопје, својата професионална кариера ја започна во Драмскиот театар, каде од 1978 година беше член на ансамблот. Со текот на годините настапуваше и на сцените на повеќе македонски театри, оставајќи силен печат во домашната драмска уметност.

Во својата речиси петдецениска кариера, Тодоровски соработуваше со најистакнатите македонски режисери, меѓу кои Слободан Унковски, Коле Ангеловски, Владимир Милчин, Димитар Станковски и Димитрие Османли.

Публиката најмногу ќе го памети по неговите незаборавни улоги во култната серија „Македонски народни приказни“, но и во телевизиските проекти „Бушава азбука“, „Итар Пејо“, „Трето доба“, „Трст виа Скопје“, „Солунски патрдии“, „Хихирику“, „Чук, чук Стојанче“, „Булки кај шините“ и многу други.

Значаен белег остави и на филмското платно, со улоги во „Среќна Нова ’49“, „Викенд на мртовци“, „Тетовирани души“, „Шеќерна приказна“, „Бол“, „Женски оркестар“, „Учителот“, „Црвени“ и други македонски филмски остварувања.

И покрај долгата и успешна кариера, Тодоровски остана професионално активен до последните години. До минатата година снимаше нови епизоди од „Македонски народни приказни“, а пред неговата хоспитализација работеше и на новата телевизиска серија „Враќање во иднината“, чија премиера се очекува во текот на 2026 година.

За својот исклучителен придонес во културата и уметноста доби бројни признанија, а во 2025 година му беше врачена државната награда „23 Октомври“, едно од највисоките национални одликувања.

Со заминувањето на Гоце Тодоровски, Македонија загуби актер кој остави неизбришлива трага во театарот, филмот, телевизијата и радиото. Неговите ликови, препознатливиот хумор и актерска харизма ќе останат дел од колективната меморија и културното наследство на земјата.

Искрено сочувство до неговото семејство, пријателите, колегите и сите почитувачи на неговото богато творештво. Неговото име и дело ќе продолжат да живеат преку улогите што оставија неизбришлив белег во македонската култура.

Продолжи со читање