Народна

Наум Петрески снима нов музички проект – дали се работи нова песна или за легендарна песна во нов аранжман?

Објавено

пред 1 година

на

јули 15, 2025

Од

Македонскиот естраден уметник Наум Петрески моментално со своите пријатели одмара во живописното село Радожда, но тоа не значи дека музата го оставила. Пред неколку дена, тој преку својот Фејсбук профил најави дека работи на нов музички проект, оставајќи многу од своите следбеници во исчекување и претпоставки.

Иако не сподели многу детали, статусот што го објави предизвика бројни реакции и шпекулации. Некои фанови веруваат дека станува збор за целосно нова песна, додека други, според содржината на објавата, се сомневаат дека Петрески снима повторно некоја од своите легендарни нумери – овојпат во нов, современ аранжман.

„Снимање на песна, легенда во ново руво,“ напиша пејачот. Токму таа изјава ги наведе многумина да помислат дека станува збор за обновена верзија на некоја стара, добро позната песна со која Петрески оставил трага на македонската музичка сцена.

Инаку, Наум Петрески е познат по својата љубов кон традицијата и често умеел да им даде нов живот на изворните македонски песни преку модерни аранжмани. Дали тоа е случај и сега – останува да видиме.

И Естрада.мк со нетрпение очекува да види за што се работи и резултатот да го сподели со своите читатели.

Поврзани теми:

Следно

Од 11 до 13 јули Галичник беше центарот на културните случувања – Галичка свадба 2025

Не пропуштајте

Од коренот до иднината, македонска песна во ново руво, проектот ,,Македонијо во срце те носиме” со своето второ издание

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 13 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање