Поврзете се со нас

Шоу Биз

Музичкото училиште „Ентерпрајз“ ги објави уписите за 25-та рок сезона

Објавено

на

Ентерпрајз е единственото рок училиште во Македонија и во изминативе две децении низ училиштето поминаа повеќе од 1500 ученици. Наставата во Ентерпрајз се одвива во групи во кои се изучува соло пеење, гитара, бас гитара, тапани и клавијатури, со можности за комбинирање и паралелно изучување на повеќе сегменти. За да станете член на големото и насмеано семејство на Ентерпрајз доволно е да имате желба за свирење или пеење (а може и двете).

Ентерпрајз работи според филозофијата дека секое дете е талентирано за музика но потребно е некој да го насочи и да го охрабри. Затоа во Ентерпрајз нема аудиции и приемни испити. Исто така, тимот на Ентерпрајз верува дека учењето на музика треба да биде весел и забавен процес кој најлесно се реализира доколку го свирите или пеете она што го сакате. Токму затоа во Ентерпрајз учениците уште од самиот почеток имаат можност да ги изберат жанровите кои ги сакаат и преку кои ќе го изучуваат инструментот или ќе го вежбаат пеењето. А веќе на крајот на првото полугодие учениците се подготвени за првиот јавен настап на професионална сцена. Концертите на Ентерпрајз кои се одржуваат два пати годишно, претставуваат неповторливо искуство за учениците и можност да го покажат знаењето пред огромна публика. Како звучат и како изгледаат концертите на Ентерпрајз, погледнете на следниот линк: https://www.youtube.com/@EnterpriseMusicSchool

Уписите ќе се одвиваат на 2 септември 2026 година во просториите на Музичкото училиште Ентерпрајз (Трговски центар Олимпико, ул. Лондонска 19, 1000 Скопје) со почеток од 19 часот. Сите дополнителни информации за училиштето може да ги најдете на следниов линк: https://linktr.ee/musicschoolenterprise

Фото: Ентерпрајз архива

Реклама
Во Твоја Зона
Продолжи со читање
Реклама Во Твоја Зона

Шоу Биз

ДЕЈАН БЛАЖЕВСКИ – ЧОВЕКОТ КОЈ РЕЧИСИ ТРИ ДЕЦЕНИИ СОЗДАВА НОЌЕН ЖИВОТ, ОД „РОТМАНС“ ДО ДЕНЕШНИОТ POOL BAR

Објавено

на

Од

Некои места не се паметат само по музиката, забавите и добрата атмосфера, туку и по луѓето кои стојат зад нив. А кога станува збор за Дејан Блажевски, станува збор за човек кој уште од деведесеттите години знае што значи да се создаде место на кое луѓето со задоволство се враќаат. Урбан боем со менаџерски дух, човек со чувство за добра забава и препознатлив социјален ритам, кој речиси три децении успешно ја одржува приказната за едно место кое со годините го менува името, но не и својот дух.

Приказната започнува уште во 1995 година, кога под името „Ротманс“ овој кафич станува едно од местата каде младите се собираат, се дружат и создаваат спомени. Тоа беа времиња кога добрата музика, друштвото и вистинската атмосфера беа доволна причина за една незаборавна вечер. Се организираа забави, зад пултот застануваа диџеи, а меѓу нив и Марјан Тасевски, познат како DJ Мац од Радио Зона М1, кој со своите музички сетови беше дел од тогашната забавна приказна.

„Ротманс“ не беше само кафич, туку место на генерации, место на дружења, познанства, симпатии и ноќи кои и денес сигурно будат убави спомени кај оние кои биле дел од таа приказна.

Реклама
Во Твоја Зона

Но, времето носи промени, а вистинските луѓе знаат како да ги препознаат и да ги претворат во нови можности. Така, Дејан Блажевски, со своето долгогодишно искуство, чувство за угостителство и менаџерски инстинкт, ја продолжува приказната, но во едно ново, современо издание – Pool bar.

Денес, Pool bar е место кое има свој препознатлив забавен ритам и публика, простор во кој викендите се резервирани за добра музика, дружење и позитивна енергија. Петочните и саботните вечери редовно носат нови поводи за излегување, а програмата е осмислена така што секој може да пронајде нешто за себе. Од забави со диџеи и караоке вечери до хуманитарни настани, Pool bar покажува дека доброто поминување не мора да значи само забава, туку може да има и хумана димензија.

Она што ја прави оваа приказна интересна е континуитетот. Од времето кога „Ротманс“ ги собираше младите под звуците на тогашните музички хитови, па сè до денешниот Pool bar, идејата останува иста , да се создаде место каде луѓето ќе доаѓаат со насмевка, ќе се забавуваат и ќе си заминуваат со желба повторно да се вратат.

Реклама
Во Твоја Зона

А зад таа приказна стои Дејан Блажевски, човек кој не ја гледа угостителската работа само како бизнис, туку и како можност да создава амбиент, да поврзува луѓе и да биде дел од нивните убави моменти, да се опстои толку години во светот на угостителството не е случајност. Потребни се искуство, истрајност, чувство за публика и способност постојано да се следи духот на времето.

Од „Ротманс“ до Pool bar постојат речиси три децении музика, дружење, забавен и ноќен живот, а Дејан Блажевски и понатаму продолжува да ја пишува својата приказна, со истата идеја дека најдобрите вечери се оние во кои добрата музика, вистинското друштво и позитивната енергија се на едно место.

Реклама
Во Твоја Зона
Продолжи со читање
Реклама Во Твоја Зона
Реклама
Реклама
Реклама
Реклама
Реклама
Реклама
Реклама
Реклама

ПОПУЛАРНИ