Шоу Биз
Мала ѕвезда со голем глас – Ива Пауновиќ чекори сигурно кон музичкиот врв!
Само осум години, а веќе со настапи, награди и публика која ја препознава, младата Ива Пауновиќ полека, но сигурно го пробива својот пат низ музичкиот свет и го најавува своето име како едно од најперспективните на домашната сцена.
Родена во 2018 година, Ива уште од својата шеста година започнува со часови по соло пеење под менторство на Денис Димоски во приватното музичко училиште „Матрикс“, каде што нејзиниот талент брзо доаѓа до израз.
Нејзиниот прв голем исчекор на сцена се случува во 2025 година, кога на натпреварот WAF Contens одржан во хотел Three by Hilton го освојува високото второ место во својата категорија. Истата година, Ива блеска и на фестивалот Езерски бисери, каде што повторно се закитува со награда, овојпат трето место.
Не застанува тука. Во 2026 година повторно се враќа на сцената на WAF Contens, каде што уште еднаш го потврдува својот квалитет освојувајќи трето место во својата категорија.
Еден од најемотивните моменти во нејзината досегашна кариера е настапот како најмала гостинка на концерт посветен на легендарниот Тоше Проески, во средното музичко училиште Илија Николовски Луј каде што со многу чувства ја изведува безвременската „Полско цвеќе“ – настап кој никого не остави рамнодушен.
Ива веќе зад себе има и свои музички проекти. Нејзиниот прв кавер е од песната „Оро“ на Јелена Томашевиќ, додека заедно со својот ментор го снима и вториот кавер, дуетската „Немир“ од Тоше Проески и Каролина Гочева. Овој проект веќе собира бројни прегледи и позитивни реакции, што е јасен знак дека публиката ја препознава нејзината искреност и талент.
Со природна харизма, силна емоција и исклучителен вокал за својата возраст, Ива Пауновиќ е доказ дека големите ѕвезди се препознаваат рано, потребна им е само сцена и поддршка.
А судејќи по нејзиниот досегашен пат, ова е само почеток.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026
-
Шоу Бизпред 7 месециСека Алексиќ и Раста на иста сцена во Арена „Јане Сандански“