Шоу Биз
Бојана Скендеровски со прв солистички концерт „Бесмртна“ – музичка приказна за љубовта и времето
По повеќе од дваесет години посветена работа, искрени интерпретации и песни што оставија длабок траг, Бојана Скендеровски ќе ја заокружи една значајна етапа од својата кариера со својот прв самостоен концерт. Настанот, симболично насловен „Бесмртна“, претставува омаж на чувствата, спомените и уметноста што остануваат да живеат засекогаш – и во неа, и во нејзината публика.
На 13 декември во Македонската филхармонија, со почеток во 20:00 часот, публиката ќе ја види Бојана во поинакво светло – подлабоко, посозреано и поемотивно од кога било. Концертот се најавува како вечер исполнета со искрени емоции, љубов, спомени и нови почетоци, во која ќе се спојат 23 години музичка приказна во едно незаборавно искуство.
Со внимателно избран репертоар што ќе ги поврзе минатото и сегашноста, Бојана ветува концерт што ќе ја раскаже нејзината животна и уметничка патека низ звук, збор и чувство.
Како и предходните години, Бојана беше дел и од проектот „Македонијо, во срце те носам“, каде што настапува со емоционалната песна „Запејте сите ангели“ – композиција што уште еднаш ја потврдува нејзината искреност и посветеност кон македонската песна и традиција.
„Овој концерт е мојот начин да кажам благодарам – на музиката, на сите што беа покрај мене и на публиката што ме инспирира сите овие години. Ќе пеам со сето срце, ќе споделам дел од мојата приказна. Се надевам дека заедно ќе создадеме нешто што ќе трае,“ изјави Скендеровски.
„Бесмртна“ е повеќе од концерт – тоа е потсетник дека вистинската музика, како и љубовта, никогаш не исчезнува.
Шоу Биз
Скопски џез фестивал – Од 16 до 19 октомври, Скопје повторно ќе живее во ритамот на џезот
Од 16 до 19 октомври во Скопје ќе се одржи 44-то издание на Скопскиот џез фестивал, еден од најзначајните културни настани во Македонија, кој со својата традиција и извонредна репутација веќе одамна е впишан меѓу водечките џез фестивали во Европа.
Фестивалот започна во 1982 година и во својата историја го претстави врвот на американскиот и европскиот џез, латино-американската и африканската музика, како и најдобрите македонски музичари. Како член на престижната асоцијација Europe Jazz Network, Скопскиот џез фестивал продолжува да гради интернационален углед и да привлекува светски имиња.
Отворање со Националниот џез оркестар
Фестивалот свечено ќе биде отворен на 16 октомври во Националната опера и балет со настап на Националниот џез оркестар, кој премиерно се претставува на оваа сцена. За оваа специјална прилика, ќе им се придружат ексклузивните гости – диригентот и аранжер Sigi Feigl и реномираниот тромбонист Luis Bonilla. Истата вечер ќе настапи и Andrzej Jagodzinski Trio.
Програма
- 17 октомври | НОБ
- Marc Ribot
- Kahil El’Zabar Ethnic Heritage Ensemble
- 18 октомври | НОБ
- Goran Kajfeš Tropiques
- After the Wildfire Quartet
- 19 октомври | НОБ
- Wadada Leo Smith & Sylvie Courvoisier Duo
- James Brandon Lewis Quartet
Дополнително, во МКЦ – Кино Фросина ќе се одржи и специјална филмска програма Jazz Cinema (15 и 18 октомври), со прикажување на документарните филмови Sun Ra: Do the Impossible и We Want the Funk!
Со внимателно селектирана програма, која ги спојува легендарните џез музичари и новите генерации, 44. Скопски џез фестивал уште еднаш го потврдува својот статус на фестивал кој создава мостови меѓу културите и ја негува уметноста на импровизацијата.
-
Шоу Бизпред 4 неделиНа 18-ти септември село Булачани ќе чука „во ритам на хуманоста“ со голем концерт
-
Шоу Бизпред 3 месециВодителката Биљана Коцева – Алексова на пат за Острог
-
Шоу Бизпред 3 месециИмпресиите на Бици по враќањето од Острошкиот манастир
-
Шоу Бизпред 1 месецНастапот на Раде Младеновски на Тумба Фест го потврди неговиот подем на македонската сцена
-
Шоу Бизпред 3 месециМиро Костовски – Бизнисмен со срце, југоносталгичар со душа и човек кој знае да го слави живот
-
Шоу Бизпред 2 неделиНино и Мац со голем исчекор – склучија договор со продукција ‘Зона М1’ и тргнуваат кон регионален успех!
-
Шоу Бизпред 3 месециПродукција Зона М1 прослави 7 години од своето постоење
-
Шоу Бизпред 3 месециМарко Михајловиќ – младиот клавијатурист од Србија со нови музички хоризонти