Шоу Биз
НА 13-ти СЕПТЕМВРИ СПОРТСКО – МУЗИЧКИ СПЕКТАКЛ ВО ГЛУВО
Големото финале на 19. Меморијален турнир „Љубомир Рајчевски – Рајче“ со настап на „Куку Леле“
Во сабота, на 13 септември 2025 година, стадионот во село Глуво, на падините на Скопска Црна Гора, ќе биде домаќин на големото финале од 19. Меморијален турнир во мал фудбал „Љубомир Рајчевски – Рајче“ – спортска манифестација која веќе две децении ја негува традицијата и преку спортот ги зближува и обединува граѓаните.
Организаторите најавуваат незаборавна вечер, исполнета со спортски возбудувања и естрадна магија. Турнирот, кој се одржува во чест на легендарниот фудбалер на ФК Вардар – Љубомир Рајчевски – Рајче, кој што потекнува токму од Глуво, годинава собра рекордни 28 екипи. Победникот во големото финале ќе биде награден со 350.000 денари, што на настанот му дава дополнителна атрактивност и спортски елан.
Како и секоја година, манифестацијата не завршува само на теренот. По спортскиот дел, посетителите ќе уживаат во голем естраден концерт, кој традиционално го затвора турнирот. Оваа година специјални музички гости се мегапопуларната македонска група „Куку Леле“. Роберт и Панки кои ќе приредат двочасовен спектакл, исполнет со нивните најголеми хитови. Панки, пак, ќе го збогати настапот и со изведби на познати регионални поп и фолк хитови.
Со тоа, завршната вечер на турнирот се очекува да прерасне во вистински спортско-музички спектакл за сите генерации. Стадионот во Глуво, кој собира и до 3.500 посетители, традиционално е преполн на финалната вечер, а и овој пат атмосферата ветува уникатно искуство – и на теренот, и на трибините.
Организаторите ги покануваат сите љубители на спортот и музиката да бидат дел од оваа голема вечер, со која спортот и забавата уште еднаш ќе се спојат во чест на незаборавниот Љубомир Рајчевски – Рајче.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026