Шоу Биз
„Svet-Australia.com“ слави 8 години – честитки за роденденот од Estrada.mk и Радио Зона М1
Осум години посветеност, истрајност, професионалност и љубов кон македонската и регионалната музика се убав повод за прослава. Порталот Svet-Australia.com одбележува осум години постоење, а по тој повод честитки пристигнуваат и од редакциите на Estrada.mk и Радио Зона М1, со кои низ годините е изградена успешна и искрена професионална соработка.
Од своето основање во 2018 година, Svet-Australia.com прерасна во медиум кој ги поврзува македонските и балканските уметници, музичари и љубители на естрадата, независно од тоа на кој дел од светот се наоѓаат. Токму таа отвореност кон дијаспората и посветеноста на музиката и културата се едни од вредностите што го прават овој портал препознатлив.
За нас, ова не е само уште еден медиумски роденден. Svet-Australia.com е долгогодишен медиумски партнер со кој споделуваме содржини, информации, најави и приказни од македонската и регионалната естрада. Низ годините соработката се темелеше на меѓусебна почит, професионален однос и заедничка желба македонската музика и домашните уметници да стигнат до што поголем број публика.
Особено ни е драго што и покрај географската оддалеченост, преку медиумите успеваме да создадеме мост меѓу Македонија, Австралија и македонската дијаспора ширум светот. Во таа мисија, Svet-Australia.com има свое значајно место.
Од Estrada.mk и Радио Зона М1 упатуваме искрени честитки до целиот тим на Svet-Australia.com, на чело со главниот уредник Раде Берак, како и до сите уредници, новинари и соработници кои со својот труд го одржуваат порталот осум години.
Им посакуваме уште многу успешни години, нови медиумски приказни, ексклузивни интервјуа, убави вести и уште поголем број читатели.
А најмногу од сè посакуваме нашата досегашна успешна соработка да продолжи и во годините што доаѓаат, со уште многу заеднички проекти, споделени содржини и поддршка за македонската музика и естрада.
Среќен 8-ми роденден, Svet-Australia.com!
Од срце ви посакуваме уште многу години успешна работа и медиумско траење. Нека продолжи приказната што ги поврзува Македонија, Австралија и целиот свет преку музиката, културата и убавите вести.
Честит роденден од Estrada.mk и Радио Зона М1!
Шоу Биз
НАЈГОЛЕМИОТ ВИНСКИ СПЕКТАКЛ ВО МАКЕДОНИЈА – ТРИ ДЕНА ВИНО, МУЗИКА И ТРАДИЦИЈА ВО МАКЕДОНСКО СЕЛО
Само 2.000 влезници! Кој ќе стигне навреме ќе биде дел од тридневната винска приказна која оваа есен ќе го освои Скопје!
Оваа есен Македонско Село на Водно ќе стане центарот на најдоброто вино, музика и македонска традиција! Од 16 до 18 октомври пристигнува „Вино Фест 2026“, тридневен фестивал подготвен да ги спои љубителите на добрата капка, врвната музика и автентичниот македонски амбиент.
Ова нема да биде само уште еден фестивал, туку вистински вински спектакл! На едно место ќе бидат собрани дури 15 македонски винарии, со богат избор на вина кои ќе можат да се дегустираат во уникатната атмосфера на Македонско Село.
А за забавата да биде комплетна, следуваат три дена музичко лудило со познати имиња од македонската музичка сцена.
На фестивалската сцена ќе се појават DJ Branchez, Нино и Тамбураши, Благица и DJ Тина, Игор и Гуру Харе, DJ Тоше, Гемзе, Александар Јосифовски, Александар Тарабунов, Пљачкос, Смила Митреска, Гоко Танески, Огнен Здравковски, Дамјан Стојановски и DJ Галошки.
И тука доаѓа најважната информација, бројот на влезници е строго ограничен на само 2.000!
Со влезницата од 1.000 денари, посетителите добиваат чаша за вино, но и можност за неограничена дегустација на најубавите македонски вина.
Замислете, чаша добро македонско вино во рака, звуците на музиката околу вас, светлата на на градот пред вас, мирисот на традицијата и друштво со кое сакате да наздравите…
Токму тоа ќе биде „Вино Фест 2026“!
Билетите во претпродажба се достапни преку mkikets.mk, во Розе Веро 2, во ресторанот La Terrazza, како и во комплексот Македонско Село.
Не чекајте последен момент – кога ќе се потрошат 2.000 влезници, приказната завршува!
Македонско Село оваа есен ќе биде местото каде што ќе се наздравува, ќе се пее и ќе се слави македонската винска традиција.
„Вино Фест 2026“ шанса да наздравиме за убавите моменти!
-
Шоу Бизпред 7 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 6 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 3 месециЅвездени носталгии тема – Горчлива чаша 14.07.2026
-
Шоу Бизпред 6 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 5 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 3 месециЅвездени носталгии тема – Гламур 07.07.2026