Шоу Биз
„Бендот на браќа Нуне“ со концертна промоција на нови 16 песни одбележа 8 години постоење
Осум години исполнети со музика, настапи, патувања, дружби и незаборавни средби со публиката, „Бендот на браќа Нуне“ ги одбележа со голема концертна промоција во ресторанот „Рагуза“.
Вечерта помина во знакот на добрата музика, позитивната енергија и бројната публика, која во исполнетиот ресторан уживаше во премиерните изведби на 16 авторски песни, сместени во два нови албума – „Љубов“ и „Верувај ми“.
Осум песни се дел од фолк-албумот „Љубов“, додека осум се најдоа на забавниот албум „Верувај ми“. Со ова издание бендот уште еднаш ја потврди својата музичка разноликост и способност подеднакво добро да се движи низ двата жанра.
Во текот на повеќечасовната концертна вечер во „Рагуза“, публиката им возвраќаше со силни аплаузи и одлично расположение, а секоја нова песна носеше нова доза енергија. Посебен момент беше настапот на познатиот српски хармоникаш Борко Радивојевиќ, кој беше специјален гостин на промоцијата.
Покрај Филип и Раде Нуне, во составот се вокалите Мими и Дац, како и инструменталистите Слободан Геровски и Роберт Јосимовски. На концертот настапија и Горан Гешовски, Танчe Гроздановски, Ратко Даутовски, Димитар Михајловски, како и придружните вокали Ана и Теа.
На новите албуми работеле и нивните соработници Мите Димовски, Роберт Билбилов, Давор Јордановски, Дмир Имери и Иван Петровски.
Меѓу присутните на концертната промоција беше и екипата на Радио Зона М1, која од ресторанот „Рагуза“ ги пренесе своите импресии од една исклучително музичка и емотивна вечер. Исполнетиот простор, расположената публика, енергијата на музичарите и живите изведби беа само дел од атмосферата која ја одбележа промоцијата.
Со два нови албума и 16 авторски песни, „Бендот на браќа Нуне“ на свој начин го заокружи својот осми роденден – со многу музика, публика и вечер која покажа дека нивната приказна продолжува со уште поголема енергија.
Шоу Биз
ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!
Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.
Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.
Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.
Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.
За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.
Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.
Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.
Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.
Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.
Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!
-
Шоу Бизпред 7 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 6 месециДарко Билбиловски претстави нова песна исполнета со емоција – „Само да си моја“
-
Шоу Бизпред 6 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 3 месециЅвездени носталгии тема – Горчлива чаша 14.07.2026
-
Шоу Бизпред 6 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 5 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 3 месециЅвездени носталгии тема – Гламур 07.07.2026