Шоу Биз

Дарко Гроздановски и Игор Џамбазов, малку порано од најавеното – „Понеделнички”

Објавено

пред 3 недели

на

јули 6, 2026

Од

Дарко Гроздановски и Игор Џамбазов – спој на младоста и искуството, а како заедничка особина и на двајцата, како и на целиот тим вклучен во овој проект: енергијата, трудот и искрената желба да се создаде не само песна со видео запис, туку парче уметност.

Главниот „виновник” за спојот на оваа група уметници е продукцијата „Fresh Union” зад која стои Васко Павлевски кој безрезервно се вложи тимот да е составен од најдобрите од најдобрите, односно: Мите Димовски на чело на сите вклучени во аудиото, Огнен Шапковски – уметникот позади камерата, а преубавата и добро позната Моника Црнокрак – „шанкерката” во која се вљубува главниот лик – Дарко Гроздановски. И секако… Легендарниот Игор Џамбазов – татко на шанкерката, газдата на локалот во „masterpiece” сценариото на Шапковски, каде како главен заплет се појавува конфликтот помеѓу Игор и Дарко. Игор Џамбазов – авторот на многу безвременски хитови, Игор Џамбазов – авторот на „Понеделнички”.

Дојде и тој понеделник каде Дарko Гроздановски по три години без авторска песна, повторно се појавува во етерот. Овој пат во ново и можеби најквалитетно руво до сега, создадено од „материјали” врз кои се темели македонската музичка уметност. Дали вредеше чекањето, проценете сами драги гледачи и слушатели и уживајте во „Понеделнички” денес и секој ден од неделата, секоја недела. „Сакам сите денови да се понеделници”, напиша Џамбазов, испеа Гроздановски, а Вие… Уживајте.

Поврзани теми:

Следно

Три вечери исполнети со песна, оро и традиција – Успешно заврши Меѓународниот фолклорен фестивал „Гази Баба 2026“

Не пропуштајте

Огнен Здравковски не запира – Новиот сингл „До неба“ веќе ги собира симпатиите на публиката

Продолжи со читање

Шоу Биз

Почина легендарниот актер Гоце Тодоровски – Македонија се простува од еден од своите најголеми уметници

Објавено

пред 23 часа

на

јули 27, 2026

Од

Цаци

Македонската културна сцена остана без едно од своите најпрепознатливи имиња. На 75-годишна возраст почина актерот Гоце Тодоровски, човекот чии улоги со децении ги насмејуваа, трогнуваа и обединуваа генерации гледачи.

Тажната вест ја соопшти неговата ќерка Сашенка Тодоровска преку објава на социјалните мрежи, со емотивни зборови со кои се прости од својот татко.

„По голема борба нè напушти Гоце Тодоровски. Лесна ти земја, татко мој. Душата не умира, а телото беше премногу истрошено. Летај со ангелите“, напиша таа.

Гоце Тодоровски е роден на 30 април 1951 година во Кичево. По завршувањето на актерските студии во Скопје, својата професионална кариера ја започна во Драмскиот театар, каде од 1978 година беше член на ансамблот. Со текот на годините настапуваше и на сцените на повеќе македонски театри, оставајќи силен печат во домашната драмска уметност.

Во својата речиси петдецениска кариера, Тодоровски соработуваше со најистакнатите македонски режисери, меѓу кои Слободан Унковски, Коле Ангеловски, Владимир Милчин, Димитар Станковски и Димитрие Османли.

Публиката најмногу ќе го памети по неговите незаборавни улоги во култната серија „Македонски народни приказни“, но и во телевизиските проекти „Бушава азбука“, „Итар Пејо“, „Трето доба“, „Трст виа Скопје“, „Солунски патрдии“, „Хихирику“, „Чук, чук Стојанче“, „Булки кај шините“ и многу други.

Значаен белег остави и на филмското платно, со улоги во „Среќна Нова ’49“, „Викенд на мртовци“, „Тетовирани души“, „Шеќерна приказна“, „Бол“, „Женски оркестар“, „Учителот“, „Црвени“ и други македонски филмски остварувања.

И покрај долгата и успешна кариера, Тодоровски остана професионално активен до последните години. До минатата година снимаше нови епизоди од „Македонски народни приказни“, а пред неговата хоспитализација работеше и на новата телевизиска серија „Враќање во иднината“, чија премиера се очекува во текот на 2026 година.

За својот исклучителен придонес во културата и уметноста доби бројни признанија, а во 2025 година му беше врачена државната награда „23 Октомври“, едно од највисоките национални одликувања.

Со заминувањето на Гоце Тодоровски, Македонија загуби актер кој остави неизбришлива трага во театарот, филмот, телевизијата и радиото. Неговите ликови, препознатливиот хумор и актерска харизма ќе останат дел од колективната меморија и културното наследство на земјата.

Искрено сочувство до неговото семејство, пријателите, колегите и сите почитувачи на неговото богато творештво. Неговото име и дело ќе продолжат да живеат преку улогите што оставија неизбришлив белег во македонската култура.

Продолжи со читање