Шоу Биз
Песната како чувар на корените и идентитетот – Славе Димитров – човекот чија музика стана дел од македонската душа
Естрада.мк гопродолжува серијалот на написи со кои потсетува на великаните кои со своето творештво ги чуваат и негуваат македонските корени, култура и идентитет. Меѓу нив посебно место има Славе Димитров, композитор, пејач, аранжер и музички продуцент, автор чии песни и денес живеат во срцата на генерации Македонци.
Роден на 1 јуни 1946 година во Битола, град познат по својата богата културна традиција, Димитров уште од младоста го насочува својот талент кон музиката. Неговото име со децении е впишано во историјата на македонската забавна музика, а неговите композиции остануваат препознатлив дел од музичкото наследство на земјата.
Кога се споменува Славе Димитров, неизбежно е да се спомене и легендарната песна „Чија си“. Изведена на Скопскиот фестивал во 1971 година, оваа композиција прерасна во еден од најголемите македонски евергрини. Но неговиот авторски печат не завршува тука. Зад себе остави низа песни кои со години се дел од радио програмите, фестивалските сцени и семејните прослави, меѓу кои се „Нежност“, „Тивко тивко“, „Дали да ти пријдам“, „Момчето со мандолина“, „Есенска роза“ и многу други.
Посебно место во неговото творештво има музиката за телевизија. За многумина, првите акорди од „Македонски народни приказни“ веднаш будат спомени на едно поинакво време. Како автор на препознатливата музика од култната телевизиска серија, Димитров создаде звук што стана дел од колективната меморија на Македонија. Неговата музика не беше само телевизиска шпица, туку симбол на народната мудрост, традицијата и приказните што се пренесуваа од генерација на генерација.
Во неколку такта успеваше да создаде атмосфера која ги спојуваше фолклорот, мистиката и топлината на македонскиот дом. Токму затоа неговото дело останува живо и денес, а неговите мелодии и понатаму предизвикуваат носталгија кај публиката.
Покрај авторската работа, Славе Димитров остави длабока трага и како музички продуцент во Радио Скопје. Во текот на повеќе од две децении учествуваше во создавањето и снимањето на илјадници музички дела, помагајќи во развојот на бројни домашни изведувачи и музички состави. Неговиот придонес во професионализацијата на македонската музичка продукција е немерлив.
Неговото име се поврзува и со филмската и телевизиската музика, Димитров се наведува како композитор на легендарната „Исправи се, Делфина“ во истоимениот филм.
Како еден од авторите кои учествуваа во создавањето на современата македонска забавна музика, Славе Димитров даде значаен придонес и во развојот на фестивалската сцена, вклучително и Макфест, каде што домашната песна добиваше простор да расте и да се развива.
Денес, кога се навраќаме на неговото богато творештво, станува јасно дека Славе Димитров не е само музички автор. Тој е дел од културната историја на Македонија, човек чии мелодии помогнаа да се зачуваат традицијата, емоцијата и препознатливиот македонски музички израз.
Естрада.мк продолжува да им оддава почит на легендите кои преку песната и музиката остануваат најверните чувари на македонскиот идентитет и културно наследство.
Шоу Биз
ДЕЈАН БЛАЖЕВСКИ – ЧОВЕКОТ КОЈ РЕЧИСИ ТРИ ДЕЦЕНИИ СОЗДАВА НОЌЕН ЖИВОТ, ОД „РОТМАНС“ ДО ДЕНЕШНИОТ POOL BAR
Некои места не се паметат само по музиката, забавите и добрата атмосфера, туку и по луѓето кои стојат зад нив. А кога станува збор за Дејан Блажевски, станува збор за човек кој уште од деведесеттите години знае што значи да се создаде место на кое луѓето со задоволство се враќаат. Урбан боем со менаџерски дух, човек со чувство за добра забава и препознатлив социјален ритам, кој речиси три децении успешно ја одржува приказната за едно место кое со годините го менува името, но не и својот дух.
Приказната започнува уште во 1995 година, кога под името „Ротманс“ овој кафич станува едно од местата каде младите се собираат, се дружат и создаваат спомени. Тоа беа времиња кога добрата музика, друштвото и вистинската атмосфера беа доволна причина за една незаборавна вечер. Се организираа забави, зад пултот застануваа диџеи, а меѓу нив и Марјан Тасевски, познат како DJ Мац од Радио Зона М1, кој со своите музички сетови беше дел од тогашната забавна приказна.
„Ротманс“ не беше само кафич, туку место на генерации, место на дружења, познанства, симпатии и ноќи кои и денес сигурно будат убави спомени кај оние кои биле дел од таа приказна.
Но, времето носи промени, а вистинските луѓе знаат како да ги препознаат и да ги претворат во нови можности. Така, Дејан Блажевски, со своето долгогодишно искуство, чувство за угостителство и менаџерски инстинкт, ја продолжува приказната, но во едно ново, современо издание – Pool bar.

Денес, Pool bar е место кое има свој препознатлив забавен ритам и публика, простор во кој викендите се резервирани за добра музика, дружење и позитивна енергија. Петочните и саботните вечери редовно носат нови поводи за излегување, а програмата е осмислена така што секој може да пронајде нешто за себе. Од забави со диџеи и караоке вечери до хуманитарни настани, Pool bar покажува дека доброто поминување не мора да значи само забава, туку може да има и хумана димензија.
Она што ја прави оваа приказна интересна е континуитетот. Од времето кога „Ротманс“ ги собираше младите под звуците на тогашните музички хитови, па сè до денешниот Pool bar, идејата останува иста , да се создаде место каде луѓето ќе доаѓаат со насмевка, ќе се забавуваат и ќе си заминуваат со желба повторно да се вратат.
А зад таа приказна стои Дејан Блажевски, човек кој не ја гледа угостителската работа само како бизнис, туку и како можност да создава амбиент, да поврзува луѓе и да биде дел од нивните убави моменти, да се опстои толку години во светот на угостителството не е случајност. Потребни се искуство, истрајност, чувство за публика и способност постојано да се следи духот на времето.
Од „Ротманс“ до Pool bar постојат речиси три децении музика, дружење, забавен и ноќен живот, а Дејан Блажевски и понатаму продолжува да ја пишува својата приказна, со истата идеја дека најдобрите вечери се оние во кои добрата музика, вистинското друштво и позитивната енергија се на едно место.
-
Шоу Бизпред 8 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 7 месециДарко Билбиловски претстави нова песна исполнета со емоција – „Само да си моја“
-
Шоу Бизпред 7 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 4 месециЅвездени носталгии тема – Горчлива чаша 14.07.2026
-
Шоу Бизпред 8 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 6 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 8 месециМладата Викторија Ефтимова го претстави новиот сингл „Идеали“
-
Шоу Бизпред 5 месециЅвездени носталгии тема – Гламур 07.07.2026
