ЗАБАВНА

Македонката Тина Русева триумфираше на „The Voice of Europe 2025“

Објавено

пред 9 месеци

на

јануари 19, 2026

Од

Цаци

Македонската пејачка Тина Русева оствари голем меѓународен успех освојувајќи го првото место на онлајн натпреварот „The Voice of Europe“. Родена во Струмица, Тина во изминатиот период го привлече вниманието на европската публика со својот моќен вокал, впечатлива сценска појава и исклучително емотивни интерпретации.

Русева претходно настапи на престижното музичко шоу „The Voice of Germany“, каде иако не ја освои главната титула, остави силен впечаток и беше препознаена како една од најоригиналните и најквалитетни кандидатки во целиот процес. Токму благодарение на тој настап, таа доби можност да ја претставува Германија на „The Voice of Europe“.

Натпреварот „The Voice of Europe“ се одвиваше преку социјалната мрежа Инстаграм, каде учесниците собираа поени од гласовите на публиката и од жири-комисија. Тина Русева доби најмногу гласови и од публиката и од жирито, а за само 24 часа собра над 40.000 лајкови, што претставува убедливо најголема поддршка меѓу финалистите.

По победата, Тина преку видео-обраќање им се заблагодари на сите кои ја поддржале:
„Ви благодарам многу, прво затоа што ме поддржавте, лајкувавте, коментиравте и што бевте тука. Исто така му благодарам на жирито што судеше фер. Она што можам да го кажам е – бидете тоа што сте, верувајте во себе, верувајте во процесот и успехот ќе ве следи“, порача Русева.

Оваа победа претставува значаен чекор во кариерата на младата македонска пејачка и уште една потврда дека македонскиот талент има што да покаже и на европската сцена. Со својот автентичен стил, силна емоција и искрен пристап кон музиката, Тина Русева успеа да ги освои срцата на публиката и жирито и да го запише своето име меѓу најуспешните учесници на „The Voice“ франшизата.

Поврзани теми:

Следно

На 9-ти мај во СЦ Јане Сандански – Нокаут со концерт кој само вам ви припаѓа!

Не пропуштајте

Дијана ОГ со нов визуелен спот – уметност, емоција и модерен звук во едно

Продолжи со читање

ЗАБАВНА

ПО ГОЛЕМИОТ ИНТЕРЕС СЕРГЕЈ ЧЕТКОВИЌ ЌЕ ОДРЖИ И ВТОР КОНЦЕРТ ВО СКОПЈЕ – ДВЕ ВЕЧЕРИ ЗА ЉУБОВ, ЕМОЦИИ И БЕЗВРЕМЕНСКИ ХИТОВИ

Објавено

пред 3 дена

на

октомври 12, 2026

Од

Цаци

Скопје повторно ќе живее во знакот на љубовта и музиката на Сергеј Четковиќ. По најавата за концертот на 31 октомври, регионалната музичка ѕвезда закажа и втор концерт во Македонската филхармонија, на 1 ноември, со почеток во 20 часот.

По минатогодишните две магични вечери на истата сцена, Сергеј повторно се враќа пред македонската публика, подготвен да приреди уште една музичка приказна исполнета со љубов, носталгија и искрени емоции. Интересот за неговото враќање во Скопје донесе уште еден концертен термин, па љубителите на неговата музика ќе имаат дополнителна можност да уживаат во неговите песни во живо.

Со својот препознатлив вокал, харизма и непосредност, Сергеј Четковиќ со години ја гради посебната врска со публиката низ регионот. Неговите песни не се само хитови што се слушаат на радио, тие се музички приказни за љубовта, разделбите, копнежот, спомените и сите оние чувства во кои секој може да се препознае.

Токму затоа неговите концерти се многу повеќе од обични музички настапи. Кога ќе почнат да се нижат добро познатите рефрени, публиката станува дел од приказната, пее заедно со него и ги претвора концертните вечери во заедничко доживување што долго се памети.

Скопските концерти се дел од актуелната турнеја „Live Tour 2026 – 5.0“, во рамките на која Сергеј настапува со својот бенд, носејќи комбинација од нова енергија и безвременски хитови.

Две вечери по ред, Македонската филхармонија ќе биде место за сите оние што веруваат дека најубавите песни се оние што допираат до срцето, будат спомени и потсетуваат на луѓето и моментите што ни значат.

Сергеј Ќетковиќ во Скопје:

31 октомври 2026 – прв концерт

1 ноември 2026 – втор концерт
Почеток: 20:00 часот
Локација: Македонска филхармонија, Скопје

Билетите за вториот концерт се достапни преку e-ticket.mk.

Скопје добива уште една можност за вечер исполнета со музика, љубов и емоции – затоа што некои песни едноставно не се слушаат само со ушите, туку и со срцето.

Продолжи со читање