Некатегоризирано
ГРАНД ПАДНА, ПИНК ВОЗДИГНА – новата битка за гледаност започна жестоко!
Српската телевизиска сцена повторно е во центар на вниманието: истата вечер се емитуваа двете најголеми музички талент-шоуа – „Ѕвезде гранда“ на ТВ Прва и „Пинкови ѕвезди“ на ТБ Пинк. Публиката беше ставена пред тежок избор, а социјалните мрежи веднаш се разгорија со дискусии – кој имал поинтересни кандидати, кој поатрактивно жири и кој формат ја заслужува титулата број еден.
Додека дел од гледачите останаа верни на „Гранд“ и долгогодишниот проект на Саша Поповиќ, други со ентузијазам ја поздравија новата сезона на „Пинкови ѕвезди“, која многумина ја опишаа како посвежа и поенергична. Сепак, имаше и оние кои признаа дека не следеле ниту едно од двете натпреварувања, наведувајќи „замор од истиот формат“ или недостиг на време.
Сепак, дилемата доби официјален одговор – според Нилсен резултатите, „Пинкови ѕвезди“ во саботата постигнаа извонредна гледаност и ја надминаа конкуренцијата „Ѕвезде гранда“. Овој триумф предизвика славје во таборот на „Пинк“, а сопственикот на медиумската империја, Жељко Митровиќ, веднаш се огласи на Инстаграм споделувајќи ја радосната вест со своите следбеници.
Она што дополнително придонесе за успехот е и жири-комисијата – досега најсилна и најразнолика, составена од музички имиња со различни погледи и стилови. Токму нивните автентични реакции и коментари ја прават емисијата динамична и привлечна, а воедно потврдуваат дека целта на оваа сезона е сериозна: да се открие вистинска нова ѕвезда.
Со овој резултат „Пинкови ѕвезди“ уште еднаш ја зацврстија доминацијата на Пинк во забавната телевизиска понуда. Јасно е дека битката со „Ѕвезде гранда“ само што започна, а според најавите, гледачите ги очекува многу возбудлива сезона.
ЗАБАВНА
Летен концерт на музичкото училиште „Ентерпрајз“: 29 бенда, 120 ученици и моќна рок програма на „We Will Rock You“
На 7 јуни, во Паркот на Франкофонијата, се случи настан што долго ќе се памети. Музичкото училиште Ентерпрајз пред повеќе од 1000 посетители го одржа својот летен концерт „We Will Rock You” и со моќна рок програма ја заврши оваа учебна година.
Концертот се состоеше од настап на 29 бендови составени од учениците на Ентерпрајз, при што секој бенд изведе по една песна. Вкупно настапија 120 ученици, а програмата беше составена од обработки на некои од најпознатите рок класици. Секоја нумера беше изведена од различен бенд – со нови гласови, нови лица и нова енергија кои на сцената звучеа и изгледаа како вистински професионалци.
Вистинско освежување на концертот беа прекрасните најави на актерот Рубенс Муратовски, којшто помеѓу песните раскажуваше делови од светската Rock’n’Roll историја, притоа најавувајќи ја секоја следна композиција.
Фото: Ентерпрајз архива
Пред да започне концертот, задачата за загревање на публиката му припадна на DJ Amfor, кој со внимателно одбраниот репертоар, одлично се вклопи во целосниот концепт на настанот. Тремата не постоеше како фактор за овие добро подготвени млади музичари, а многубројната публика со овации ја даде својата несебична поддршка за овие млади ѕвезди. Големата бина на Паркот на Франкофонијата, силното озвучување, прекрасното осветлување и поддршката од големите видео бимови, допринесоа сево ова да се претвори во вистински музички спектакл. Беше навистина прекрасно доживување да се слушне со каква леснотија овие дечиња и млади луѓе се носеа со комплексните вокали и рифови на кои знаат да се сопнат и повозрасни и поискусни музичари.
Но, тоа што на сцена изгледаше лесно и природно е резултат на месеци вежбање, меѓусебна поддршка и посветена работа на целиот тим на Ентерпрајз. Овој безмалку тричасовен концерт со кој се одбележа јубилејот 50 години Општина Центар, беше дел од Програмата за култура на Општина Центар-Скопје за 2026 година, во чија рамка Ентерпрајз доби можност да ги претстави своите ученици пред широката јавност. И секако – огромна благодарност до прекрасната многубројна публика која дојде, остана и аплаудираше до крај. Ве сакаме и ве чекаме на нашиот следен концерт!
-
Шоу Бизпред 3 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 1 месецДарко Билбиловски претстави нова песна исполнета со емоција – „Само да си моја“
-
Шоу Бизпред 2 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 неделиКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 2 месециМладата Викторија Ефтимова го претстави новиот сингл „Идеали“
-
Шоу Бизпред 3 месециСека Алексиќ и Раста на иста сцена во Арена „Јане Сандански“
-
Народнапред 4 недели„Фолк Фест Валандово 2026“ на 26 и 27 мај: Две вечери исполнети со македонска песна, емоции и нови хитови