Поврзете се со нас

Шоу Биз

Фестивал на питата и виното – Питијада 2025 во Велес со програма за сите генерации

Објавено

на

Фестивалот на велешка пита и вино „Питијада 2025“ оваа година ќе се одржи по 13-ти пат, во периодот од 10 до 12 октомври на добро познатата локација – просторот пред кафетериите на улица „Благој Ѓорев“ во Велес. Тридневната манифестација која веќе одамна ја надмина локалната рамка, и оваа година носи богата културно-забавна програма за сите генерации, под мотото „Традиција на вкусна хармонија“.

Програма по денови

Петок, 10 октомври
Почетокот е резервиран за најмладите – другарчињата од ОЈУДГ „Димче Мирчев“, а веднаш потоа ќе биде исечена џиновската пита која секоја година руши рекорди. На бината први ќе настапат велешаните Група Соната и специјалниот гостин Перо Христов, по што следуваат добро познатите 2 Бона, Куку Леле и македонската дива Калиопи, која ќе ја заокружи првата фестивалска вечер.

Сабота, 11 октомври
Дневната програма започнува во 12 часот со забавата за децата и нивните омилени маскоти Стела и Сани. Вечерта ќе донесе многу музика и добра енергија со настапите на Кате и Ѓоко Ѓорчев, Пајак, Мики Секуловски, а големото финале на втората вечер ќе биде со балканската ѕвезда Северина.

Недела, 12 октомври
Фестивалското финале ќе започне со програмата за најмладите од „Златно славејче“ на пладне, а вечерта ќе ја одбележат настапите на Анета Љумаковска, Либеро Бенд и Викторија Лоба. Специјалните гости Бајага и Инструктори ќе го затворат овогодинешното издание на Питијадата, оставајќи силен музички печат и незаборавна атмосфера.

Водител на фестивалот

И оваа година, низ тридневната манифестација ќе нè води актерот и стенд-ап артист, велешанецот Стефан Николовски, кој веќе е традиционален дел од Питијада.

Порака до посетителите

Фестивалот на велешка пита и вино е настан кој обединува вкусна храна, квалитетно македонско вино и врвна музика – по вкус на сите генерации. „Сите патишта водат кон Велес – ве очекуваме!“

Питијада 2025 – вкусот на традицијата, хармонијата на музиката и духот на Велес!

Реклама
Во Твоја Зона
Продолжи со читање
Реклама Во Твоја Зона

Шоу Биз

ДЕЈАН БЛАЖЕВСКИ – ЧОВЕКОТ КОЈ РЕЧИСИ ТРИ ДЕЦЕНИИ СОЗДАВА НОЌЕН ЖИВОТ, ОД „РОТМАНС“ ДО ДЕНЕШНИОТ POOL BAR

Објавено

на

Од

Некои места не се паметат само по музиката, забавите и добрата атмосфера, туку и по луѓето кои стојат зад нив. А кога станува збор за Дејан Блажевски, станува збор за човек кој уште од деведесеттите години знае што значи да се создаде место на кое луѓето со задоволство се враќаат. Урбан боем со менаџерски дух, човек со чувство за добра забава и препознатлив социјален ритам, кој речиси три децении успешно ја одржува приказната за едно место кое со годините го менува името, но не и својот дух.

Приказната започнува уште во 1995 година, кога под името „Ротманс“ овој кафич станува едно од местата каде младите се собираат, се дружат и создаваат спомени. Тоа беа времиња кога добрата музика, друштвото и вистинската атмосфера беа доволна причина за една незаборавна вечер. Се организираа забави, зад пултот застануваа диџеи, а меѓу нив и Марјан Тасевски, познат како DJ Мац од Радио Зона М1, кој со своите музички сетови беше дел од тогашната забавна приказна.

„Ротманс“ не беше само кафич, туку место на генерации, место на дружења, познанства, симпатии и ноќи кои и денес сигурно будат убави спомени кај оние кои биле дел од таа приказна.

Реклама
Во Твоја Зона

Но, времето носи промени, а вистинските луѓе знаат како да ги препознаат и да ги претворат во нови можности. Така, Дејан Блажевски, со своето долгогодишно искуство, чувство за угостителство и менаџерски инстинкт, ја продолжува приказната, но во едно ново, современо издание – Pool bar.

Денес, Pool bar е место кое има свој препознатлив забавен ритам и публика, простор во кој викендите се резервирани за добра музика, дружење и позитивна енергија. Петочните и саботните вечери редовно носат нови поводи за излегување, а програмата е осмислена така што секој може да пронајде нешто за себе. Од забави со диџеи и караоке вечери до хуманитарни настани, Pool bar покажува дека доброто поминување не мора да значи само забава, туку може да има и хумана димензија.

Она што ја прави оваа приказна интересна е континуитетот. Од времето кога „Ротманс“ ги собираше младите под звуците на тогашните музички хитови, па сè до денешниот Pool bar, идејата останува иста , да се создаде место каде луѓето ќе доаѓаат со насмевка, ќе се забавуваат и ќе си заминуваат со желба повторно да се вратат.

Реклама
Во Твоја Зона

А зад таа приказна стои Дејан Блажевски, човек кој не ја гледа угостителската работа само како бизнис, туку и како можност да создава амбиент, да поврзува луѓе и да биде дел од нивните убави моменти, да се опстои толку години во светот на угостителството не е случајност. Потребни се искуство, истрајност, чувство за публика и способност постојано да се следи духот на времето.

Од „Ротманс“ до Pool bar постојат речиси три децении музика, дружење, забавен и ноќен живот, а Дејан Блажевски и понатаму продолжува да ја пишува својата приказна, со истата идеја дека најдобрите вечери се оние во кои добрата музика, вистинското друштво и позитивната енергија се на едно место.

Реклама
Во Твоја Зона
Продолжи со читање
Реклама Во Твоја Зона
Реклама
Реклама
Реклама
Реклама
Реклама
Реклама
Реклама
Реклама

ПОПУЛАРНИ