Некатегоризирано
Охрид фест – Охридски Трубадури 2025 Музички празник крај охридските бранови – 29 и 30 август
Охрид, еден од најубавите бисери на Балканот, веќе традиционално ќе биде домаќин на најголемата музичка смотра во регионот – Охрид фест – Охридски трубадури. Овој фестивал, кој се одржува по 32-ри пат, и оваа година ќе собере музички изведувачи, креатори, продуценти и љубители на музиката, за да го прослават најдоброто од македонската и балканската музичка сцена.
Фестивалот ќе се одржи на најубавата летна сцена во Охрид – Долни Сарај, едно од најзначајните културни и историски споменици во Македонија. Локацијата, која има капацитет за повеќе од 10.000 посетители, ќе создаде магична атмосфера за концертите и настапите на домашните и изведувачите од надвор.
Охрид Фест 2025 ќе понуди широк спектар на музички жанрови, кои ќе бидат претставени преку натпреварувачки и изложбени настапи. Организаторите веќе најавија големи изненадувања, вклучувајќи настапи на познати македонски и балкански артисти, како и глобални ѕвезди кои ќе го подигнат нивото на фестивалот на ново ниво. Меѓу учесниците од македонската, ќе има и учесници и од балканската сцена. Некои од учесниците се: Нино Величковски, Благоја Грујовски, Сузана Спасовска, Сашо Гигов – Гиш, Бојана Скендеровски, Ана Петановска, Бојан Маровиќ, ќе имаме можност да го видиме и српскиот евровизиски претставник Принц, од Врање. Како специјален гостин е најавен, легендарниот Оливер Мандиќ. Планирани се и различни работилници, мастер-класови и промоции на нови музички проекти.
Исто така ќе биде посветено внимание и на младите таленти од Македонија и Балканот, кои ќе имаат шанса да се претстават на големата сцена и да влезат во светот на професионалната музика. За многумина, Охрид Фест е чекор кон светската сцена.
Со многу љубов и енергија, фестивалот ќе се претвори во незаборавно искуство. Вечерите полни со музика, светлина и весело расположение, кои ќе создадат незаборавни спомени за сите посетители, на кои ќе им бидат понудени не само музички, туку и културни доживувања.
Охрид Фест 2025 ќе биде вистински празник на музиката и љубовта кон културата, што ќе ги спои сите генерации и народи во еден магичен момент на заедничка музичка хармонија. Бидете дел од оваа музичка авантура!
Некатегоризирано
Прочка во Љубанци и Кучевиште – „Љубански карневал“ и „Сурети“ со над 100 маскирани учесници
По повод големиот христијански празник Прочка, и годинава на 22 февруари (недела), во селата Љубанци и Кучевиште ќе се одржат традиционалните манифестации „Љубански карневал“ и обредот под маски „Сурети“, кои се дел од локалното културно наследство и се пренесуваат од генерација на генерација.
Целта на организаторите е да се зачува традицијата на жителите од Љубанци, Прочка да ја одбележуваат под маски, преку карневал исполнет со симболика, хумор и народна традиција.
Организатор на настанот и оваа година е Здружението за заштита на културното наследство „Љубански карневал – Прочка“. Претседателот на здружението, Бојан Раевски, информира дека се пријавени над 100 учесници, а се очекува карневалот да го проследат неколку илјади посетители.
Покрај мештаните од Љубанци, како и секоја година, ќе учествуваат и ученици од основните училишта во Општина Бутел, како и деца од локалната градинка.
Карневалската програма започнува во 10 часот, а финалното дефиле ќе се одржи во дворот на основното училиште „Гоце Делчев“, каде што ќе бидат прогласени најдобрите маски и ќе им бидат доделени парични награди.
Меѓу најпрепознатливите традиционални маски се „љубанската свадба“, „кожите“ и „комитите“, но ќе има и бројни други креативни маски преку кои учесниците на сатиричен начин ќе ги прикажат секојдневните случувања и општествени појави.
Настанот, како и секоја година ќе биде збогатен и со музичка програма.
Покровител на манифестацијата е Општина Бутел, а еден од медиумските покровители на настанот е и Радио Зона М1.
А „Сурети Кучевиште“ порачуваат дека без разлика на временските услови, традицијата продолжува и низ селото Кучевиште ќе продефилираат со своите маски и ќе ги исполнат улиците со позитивна енергија.
-
Шоу Бизпред 2 неделиСека Алексиќ и Раста на иста сцена во Арена „Јане Сандански“
-
Народнапред 2 месециВладимир Поповски ја оживеа „Непокорни Македонци“ – песна што зборува во името на народот
-
Шоу Бизпред 4 месеци„Аска 2“ доаѓа на 2 декември – нов музички бум од Теа Таировиќ
-
Шоу Бизпред 1 месецАлександар Митевски и хорот „Фрида“ со музички спомен за Фросина Кулавкова
-
Народнапред 2 месециЛени Партикова со прес-конференција го најави концертот и новиот албум „Горда сум Македонка“
-
Шоу Бизпред 2 месециСо емоции и почит – Александар Јосифовски со ковер на „Кому да запеам“
-
Шоу Бизпред 3 месециРадио Зона М1 во блесок и сјај го одбележа својот 32-ри роденден – ноќ исполнета со музика, емоции и вистински гламур
-
Шоу Бизпред 3 месециНова кавер-приказна од младиот вокал Никола Милосковски – Емотивната балада „Лутка“ доби нова душа