Народна

Орде Неделковски ја стартува Новата година со нешто ново – „Жено неверна“ излегува на 5 јануари

Објавено

пред 9 месеци

на

јануари 3, 2026

Од

Цаци

Пејачот Орде Неделковски не губи време и Новата година ја започнува работно, со јасна порака дека 2026 ќе биде година на нови песни, емоции и силни музички приказни. Во неговата уметничка работилница веќе „се крчка“ нешто ново, а резултатот публиката ќе го добие многу брзо.

На 5 јануари официјално ќе биде објавена неговата најнова песна со наслов „Жено неверна“, нумера која носи силна емоционална тежина и препознатлива балканска чувствителност. Текстот е дело на Орце Зафировски, кој уште еднаш потврдува дека знае како да ја преточи животната приказна во стихови што допираат директно до срцето. За музиката и аранжманот е задолжен Бобан Мојсовски, чие име е гаранција за квалитетен и современ звук, а како пратечки вокал се појавува и одличната Анета Љумакова, која со својата боја дополнително ја збогатува песната.

„Жено неверна“ е снимена во Art Studio, каде што на секој детал му е посветено посебно внимание, со цел финалниот производ да ја долови целосната емоција што Орде сака да ја пренесе до публиката. Но приказната не завршува тука, песната ќе биде заокружена и со видео спот, кој се снима под режисерската палка на Дејан Ѓорѓиев, познат по својата визуелна естетика и умешност да ја раскаже музичката приказна и преку слика.

Со оваа песна, Орде Неделковски најавува силен старт на годината и уште една песна која лесно може да го најде својот пат до публиката и радиостаниците.

Останува да го одбројуваме до 5 јануари и да видиме каква емоција ни подготвува Орде на самиот почеток од новата година.

Поврзани теми:

Следно

Лени Партикова со прес-конференција го најави концертот и новиот албум „Горда сум Македонка“

Не пропуштајте

Наум Петрески со нова емотивна балада „Една солза“

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 1 месец

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање