Некатегоризирано

Прочка во Љубанци и Кучевиште – „Љубански карневал“ и „Сурети“ со над 100 маскирани учесници

Објавено

пред 6 месеци

на

февруари 15, 2026

Од

Цаци

По повод големиот христијански празник Прочка, и годинава на 22 февруари (недела), во селата Љубанци и Кучевиште ќе се одржат традиционалните манифестации „Љубански карневал“ и обредот под маски „Сурети“, кои се дел од локалното културно наследство и се пренесуваат од генерација на генерација.

Целта на организаторите е да се зачува традицијата на жителите од Љубанци, Прочка да ја одбележуваат под маски, преку карневал исполнет со симболика, хумор и народна традиција.

Организатор на настанот и оваа година е Здружението за заштита на културното наследство „Љубански карневал – Прочка“. Претседателот на здружението, Бојан Раевски, информира дека се пријавени над 100 учесници, а се очекува карневалот да го проследат неколку илјади посетители.

Покрај мештаните од Љубанци, како и секоја година, ќе учествуваат и ученици од основните училишта во Општина Бутел, како и деца од локалната градинка.

Карневалската програма започнува во 10 часот, а финалното дефиле ќе се одржи во дворот на основното училиште „Гоце Делчев“, каде што ќе бидат прогласени најдобрите маски и ќе им бидат доделени парични награди.

Меѓу најпрепознатливите традиционални маски се „љубанската свадба“, „кожите“ и „комитите“, но ќе има и бројни други креативни маски преку кои учесниците на сатиричен начин ќе ги прикажат секојдневните случувања и општествени појави.

Настанот, како и секоја година ќе биде збогатен и со музичка програма.

Покровител на манифестацијата е Општина Бутел, а еден од медиумските покровители на настанот е и Радио Зона М1.

А „Сурети Кучевиште“ порачуваат дека без разлика на временските услови, традицијата продолжува и низ селото Кучевиште ќе продефилираат со своите маски и ќе ги исполнат улиците со позитивна енергија.

Поврзани теми:

Следно

Магија во филхармонија – Јоце Панов со концерт за паметење – емоции и еуфорија до самиот крај!

Не пропуштајте

Дали јавноста претера со осудите за Сузана Гавазова ?

Продолжи со читање

Некатегоризирано

„Скопско лето 2026“ во полн ек – ако сè уште не сте слушнале, Естрада.мк ве потсетува што не треба да пропуштите

Објавено

пред 2 месеци

на

јули 8, 2026

Од

Цаци

Доколку досега не сте слушнале дека е во тек едно од најголемите културни случувања во главниот град, Естрада.мк ве потсетува дека фестивалот „Скопско лето 2026“ веќе повеќе од еден месец ги разубавува скопските вечери со богата програма исполнета со музика, театар, изложби и бројни уметнички настани.

Речиси секоја вечер, на повеќе локации низ Скопје, посетителите имаат можност да уживаат во концерти, театарски претстави, книжевни вечери, изложби и настапи на врвни домашни и меѓународни уметници. Градот живее во фестивалски дух, а секој ден носи ново културно доживување.

Музеи, галерии, културни институции и отворени сцени се претвораат во вистински центри на уметноста. Посебен шарм и оваа година има Старата скопска чаршија, каде што фестивалските содржини добиваат уникатна атмосфера и привлекуваат бројни посетители.

И покрај богатата и разновидна програма, има граѓани кои сè уште не се информирани дека фестивалот е во тек. Затоа, доколку барате поинаков начин да ги поминете топлите летни вечери, „Скопско лето“ е вистинскиот избор. Без разлика дали сте љубител на класичната музика, театарот, современата уметност или книжевноста, програмата нуди содржини за сечиј вкус.

До завршувањето на фестивалот остануваат уште многу интересни настани, па сега е вистинскиот момент да ја разгледате програмата и да станете дел од оваа долгогодишна културна традиција што со децении го збогатува животот во главниот град.

Фестивалот „Скопско лето 2026“ се одржува под покровителство на Министерството за култура и туризам и Град Скопје, а негов организатор е Дирекцијата за култура и уметност – Скопје, во соработка со бројни национални културни институции и меѓународни партнери.

Естрада.мк и во наредниот период ќе продолжи да ве информира за најинтересните фестивалски случувања, концерти и културни настани кои се дел од богатата програма на „Скопско лето 2026“.

Продолжи со читање