Шоу Биз

Што се, се слави во домот на Тарчуловски деновиве

Објавено

пред 1 година

на

јули 8, 2025

Од

Во семејството Тарчуловски деновиве само причини за радост и славање.

Прво ќе потсетиме, пред неколку месеци Соња Тарчуловска направи ремикс на нејзиниот хит “Во бело”. Овој ремикс се карактеризира со промена на ритамот, додавање на нови елементи или модерни производи како електронска музика и ефекти што ја даваат песната освежена и популарна за новите генерации. Ова треба да биде начин на кој оваа песна повторно ќе ги освојува младите, кои слушаат поп и електронски звуци, но сепак зачувувајќи ја оригиналната емоција и мелодија.

Пред десетина дена нивната ќерка Мелани ги направи горди своите родители и целото семејство, исто така ги израдува своите поддржувачи и фанови со новата песна “Шахмат”. Мелани всушност е кантавтор, сама ја потпишува целата песна, сама ги пее бек вокалите. Ова е знак дека Мелани длабоко навлегува во сите сфери на музичкиот свет и се изразува како коплетна во областа на создавањето на една песна. Песната е во модерен фазон, спотот има уметнички израз, а Мелани и во самиот спот се појавува како главен актер. Секако дека Мелани добива комплетно поддршка од своите родители, посебно од нејзината мајка Соња која и сама произлегува од светот на музиката.

И уште една причина за радост и прослава, 18-от роденден на нивниот син Младен, кој влезе во светот на возрасните. Неговите родители, и Соња и Јохан со гордост и радост му го честитаа роденденот на социјалните мрежи.

Поврзани теми:

Следно

Додека Македонија се бори со летни горештини, Татјана Лазарова ужива во снегот во Австралија

Не пропуштајте

Продукција Зона М1 прослави 7 години од своето постоење

Продолжи со читање

Шоу Биз

Сузана Манчиќ доаѓа на „Охрид Фест“ – Во Охрид ќе прослави 50 години кариера

Објавено

пред 1 ден

на

август 6, 2026

Од

Цаци

Една од најпрепознатливите дами на балканската естрада, Сузана Манчиќ, годинава ќе биде специјална гостинка на 33. издание на Интернационалниот музички фестивал „Охрид Фест – Охридски трубадури“. Таа ќе настапи на Интернационалната фестивалска вечер, носејќи ја на охридската сцена својата препознатлива харизма, шарм и позитивна енергија.

Нејзиното гостување во Охрид ќе има и посебна симболика. Токму на сцената на „Охрид Фест“, Сузана Манчиќ ќе одбележи импресивни 50 години од својата богата и успешна кариера – пет децении исполнети со музика, телевизија, актерство и незаборавни моменти поради кои со години важи за една од најпознатите и најомилените јавни личности на просторите на поранешна Југославија.

Во разговор по повод нејзиното доаѓање во Македонија, Манчиќ откри дека иако многупати гостувала во земјава, ова ќе биде нејзин прв настап на „Охрид Фест“.

„Безброј пати сум била во Македонија, но за првпат доаѓам на ‘Охрид Фест’ и навистина сум многу среќна поради тоа. Ќе ја изведам дуетската песна со Ѓоле Боем, дело на композиторот Григор Копров. Песната веќе ја снимивме, а мојот колега постојано ме прашува дали ја вежбам. Не знае со кого си има работа – кога еднаш ќе научам нешто, тоа останува научено“, вели Сузана низ смеа.

Охрид за неа не е непозната дестинација. Напротив, како што раскажува, со градот ја врзуваат бројни спомени – од училишни екскурзии, преку настапи и концерти, па сè до летување со нејзините ќерки додека биле мали.

„Во Охрид сум била безброј пати. Моите ќерки и денес се сеќаваат на зборовите ‘благодарам’ и ‘како се викаш?’, кои тогаш ги научија и со насмевка ги изговараат“, открива таа.

Кога зборува за својата долга кариера, Манчиќ признава дека спомените се толку многубројни што решила да ги преточи во две автобиографски книги.

„Имам навистина многу спомени и тие траат цел живот. Во книгите ги собрав најинтересните приказни од мојот живот и кариерата. За жал, сè уште не се преведени на македонски јазик“, вели таа.

Публиката на „Охрид Фест“ од неа може да очекува, пред сè, добра песна и добро расположение.

„Добрата песна е добра песна. Единственото изненадување може да биде само тоа што ќе го облечам. Очекувам средби со нови и стари колеги, мало возење по езерото и еден блескав охридски бисер“, додава Сузана.

Осврнувајќи се на денешната музичка сцена, таа има јасна порака за младите изведувачи: „Упорност. И само упорност. Популарноста е расиплива стока – денес сте ѕвезда, утре ве нема никаде. Затоа се потребни памет, внимателен избор на песни и соработници, професионалност и постојана работа на себе.“

Но ова лето за Сузана Манчиќ е посебно и поради уште една причина. Само пред неколку дена таа за првпат стана баба, а емоциите околу доаѓањето на внучето не ги крие.

„Имав огромна трема, поголема отколку кога јас се породив. Утрото ми јавија дека сè поминало добро и дека и бебето и мајката се во добра состојба. Тоа беше чувство на неизмерна среќа и гордост. Мојата Теодора стана мајка“, раскажува таа емотивно.

Особено ја трогнало тоа што нејзината помлада ќерка Наталија присуствувала на породувањето и цело време ја бодрела својата сестра.

„Сè уште не сум целосно свесна за промените што допрва следуваат. Кај мене тие доаѓаат како некоја втора, одложена реакција“, искрено признава Сузана.

На прашањето што би сакала еден ден нејзиниот внук да знае за неа, таа одговара со препознатливата ведрина:

„Ќе знае дека неговата баба била убава, весела и успешна жена, која оставила свој белег.“

И за крај, Сузана Манчиќ испрати топла порака до македонската публика и до сите љубители на „Охрид Фест“.

„Се надевам дека македонската публика не ме заборавила, а ако ме заборавила, ќе имаме можност повторно да се запознаеме. Голем поздрав до сите! Со нетрпение чекам да се видиме и заедно да запееме!“

Со ваква искреност, шарм и животна енергија, настапот на Сузана Манчиќ несомнено ќе биде еден од најемотивните и највпечатливите моменти на годинашното издание на „Охрид Фест – Охридски трубадури“.

Продолжи со читање