Шоу Биз

Сања Вучиќ објави нови песни

Објавено

пред 1 година

на

јуни 26, 2025

Од

Сања Вучиќ важи за една од поголемите ѕвезди на помладата генерација. Таа е доста барана и ангажирана, а со своите предходни изданија направи вистински бум помеѓу помладата публика. Од предходните нејзини изданија, со својот звук и ритам се издвоија ,,Џене џене”, ,,Рузмарин” дует со Нучи, ,,Маракеш – Дубаи” дует со Теа Таировиќ, ,,Омаџијан” и други.

Денеска Сања Вучиќ повторно ја изненади својата публика со излегување на виделина трилогија песни и ја израдува својата публика со малку поинаков звук. Трилогијата ги содржи песните ,,Распадам се”, ,,Сто проблема” и ,,Гранит”. Трилогијата има и авторски печат бидејќи Сања Вучиќ учествувала во креирањето на новитетите заедно со своите соработници. На текстовите покрај Сања Вучиќ се појавуваат и Павле Суботиќ и нејзината пријателка Барбара Бобак.

Новата трилогија ја покажува зрелоста на Сања Вучиќ која ја стекна на музичката сцена, храброста да се испроба со малку поинаков звук, желбата да ги проширува своите граници и да освојува нова публика.

Останува да видиме каков впечаток ќе остави оваа трилогија кај публиката.

Поврзани теми:

Следно

Во сабота 28 јуни се оддржува финалето на Ѕвездите на Гранд сезона 2024/2025

Не пропуштајте

Бисер балкански – песна за сите времиња

Продолжи со читање

Шоу Биз

Берово ја отвора вратата кон Малешевијата – три дена етно, традиција, музика и малешевски вкусови

Објавено

пред 1 ден

на

август 23, 2026

Од

Цаци

Естрада.мк продолжува да ги следи и претставува културните случувања низ Македонија, особено оние настани кои ја чуваат традицијата, фолклорот, музиката и автентичниот дух на македонските краеви. Овојпат патот нè води кон истокот на земјата, во Берово, каде од 27 до 29 август ќе се одржи „Етно Фестивал Берово 2026“, заедно со Саемот на традиционални малешевски производи „Малешевијата на дланка“.

Три фестивалски денови ќе го претворат Берово во вистински центар на традицијата, фолклорот, музиката, домашните специјалитети, ракотворбите и малешевското гостопримство. Организаторите најавуваат програма во која традиционалното ќе се сретне со современата музика, а посетителите ќе имаат можност не само да слушнат добра музика, туку и да ги запознаат автентичните производи и вкусови на Малешевијата.

Фестивалот започнува во четврток, 27 август, со свечено отворање во 18:30 часот. Вечерта е посветена на фолклорот и традицијата, со настапи на КУД „Димитар Беровски“ – Берово, културно-уметнички друштва од регионот и од збратимените општини.

За музичкиот дел од првата фестивалска вечер се најавени Синтезис, Браво бенд и DJ Drash, што ветува интересна спојка на традиционалното и современото.

Вториот ден, 28 август, со почеток во 20 часот, следува концертната вечер на која ќе настапат Давид Темелков, Гоца Тржан, Тропико бенд и Феникс бенд.

Фестивалот завршува во сабота, 29 август, со почеток во 19:30 часот, со голема завршна фестивалска вечер. Публиката ќе може да ужива во малешевски зурли и тапани, Уска Кан, Игор Димовски & Пауза за ракија, Пеца Јовановиќ и Ангел и Иван.

Покрај музичката и фолклорната програма, особено место во фестивалот има саемот „Малешевијата на дланка“, преку кој ќе бидат претставени традиционални малешевски производи, домашни специјалитети, ракотворби и други локални производи.

Токму ваквите манифестации се можност традицијата да не остане само спомен од минатото, туку да продолжи да живее – преку песната, носијата, старите занаети, храната и луѓето кои со љубов го пренесуваат наследството од една на друга генерација.

Берово со оваа манифестација ја промовира Малешевијата како културна и туристичка дестинација, а посетителите ќе имаат можност да го почувствуваат духот на овој прекрасен крај и да се запознаат со неговото богато наследство.

Три дена музика, фолклор, традиција, домашни вкусови и малешевско гостопримство ќе го исполнат Берово, а градот уште еднаш ќе покаже дека културниот живот во Македонија се создава насекаде – од најголемите градови до најмалите места.

А Естрада.мк продолжува да биде таму каде што се случуваат убавите македонски приказни, да ги открива, да ги следи и да ги доближува до своите читатели.

Од 27 до 29 август – Берово ве очекува на „Етно Фестивал Берово 2026“ и „Малешевијата на дланка“.

Продолжи со читање