Шоу Биз

Во сабота 28 јуни се оддржува финалето на Ѕвездите на Гранд сезона 2024/2025

Објавено

пред 1 година

на

јуни 26, 2025

Од

Најгледаното музичко шоу на Балканот се ближи кон крајот за оваа сезона. Во сабота на 28 јуни, со почеток во 21 часот ќе започне финалето кое сите со нетрпение го очекуваат. Победникот на оваа сезона се бори за автомобил, победничка песна, комплетен маркетинг и оваа година за прв пат победникот ќе има можност да добие специјална статуа која го носи името на Саша Поповиќ. Оваа статуа е воведена како награда во чест на основачот и творецот на ова музичко натпреварување.

Натпреварувачите кои се 20 на број, ќе настапат по следниот редослед:

1. Лука Лукиќ

2. Сара Бибиќ

3. Дени Рамчевиќ

4. Ања Михајловиќ

5. Даниел Савиќ

6. Кристина Крстиќевиќ

7. Зоран Петровиќ

8, Катарина Дакиќ

9. Ахмед Сејфиќ

10. Ангела Арман

11. Аладин пехиќ

12. Катарина Грујо

13. Елвин Мешиновиќ

14. Никола Станишиќ

15. Зоран Ружиќ Ферари

16. Ива Јокановиќ

17. Жељко Ѓукановиќ

18. Ѓорѓе Ѓокиќ

19. Мате Миличевиќ

20. Алмедина Нина Карахоџа

И оваа година Македонија има свој финалист, тоа е Никола Станишиќ, кој ќе настапи под реден број 14. Никола е момче кое доаѓа од Скопје и ова му е втор обид да успее да го освои првото место во Ѕвездите на Гранд. првиот обид му беше пред 5 години под менторство на Марија Шерифовиќ, а оваа година е под менторство на Цеца.

На нашиот Никола Станишиќ му посакуваме успех, а останува во сабота на 28 јуни да видиме кој ќе ја понесе титулата Ѕведза на Гранд.

Поврзани теми:

Следно

Ново музичко шоу кое ќе го освојува Балканот

Не пропуштајте

Сања Вучиќ објави нови песни

Продолжи со читање

Шоу Биз

Берово ја отвора вратата кон Малешевијата – три дена етно, традиција, музика и малешевски вкусови

Објавено

пред 1 ден

на

август 23, 2026

Од

Цаци

Естрада.мк продолжува да ги следи и претставува културните случувања низ Македонија, особено оние настани кои ја чуваат традицијата, фолклорот, музиката и автентичниот дух на македонските краеви. Овојпат патот нè води кон истокот на земјата, во Берово, каде од 27 до 29 август ќе се одржи „Етно Фестивал Берово 2026“, заедно со Саемот на традиционални малешевски производи „Малешевијата на дланка“.

Три фестивалски денови ќе го претворат Берово во вистински центар на традицијата, фолклорот, музиката, домашните специјалитети, ракотворбите и малешевското гостопримство. Организаторите најавуваат програма во која традиционалното ќе се сретне со современата музика, а посетителите ќе имаат можност не само да слушнат добра музика, туку и да ги запознаат автентичните производи и вкусови на Малешевијата.

Фестивалот започнува во четврток, 27 август, со свечено отворање во 18:30 часот. Вечерта е посветена на фолклорот и традицијата, со настапи на КУД „Димитар Беровски“ – Берово, културно-уметнички друштва од регионот и од збратимените општини.

За музичкиот дел од првата фестивалска вечер се најавени Синтезис, Браво бенд и DJ Drash, што ветува интересна спојка на традиционалното и современото.

Вториот ден, 28 август, со почеток во 20 часот, следува концертната вечер на која ќе настапат Давид Темелков, Гоца Тржан, Тропико бенд и Феникс бенд.

Фестивалот завршува во сабота, 29 август, со почеток во 19:30 часот, со голема завршна фестивалска вечер. Публиката ќе може да ужива во малешевски зурли и тапани, Уска Кан, Игор Димовски & Пауза за ракија, Пеца Јовановиќ и Ангел и Иван.

Покрај музичката и фолклорната програма, особено место во фестивалот има саемот „Малешевијата на дланка“, преку кој ќе бидат претставени традиционални малешевски производи, домашни специјалитети, ракотворби и други локални производи.

Токму ваквите манифестации се можност традицијата да не остане само спомен од минатото, туку да продолжи да живее – преку песната, носијата, старите занаети, храната и луѓето кои со љубов го пренесуваат наследството од една на друга генерација.

Берово со оваа манифестација ја промовира Малешевијата како културна и туристичка дестинација, а посетителите ќе имаат можност да го почувствуваат духот на овој прекрасен крај и да се запознаат со неговото богато наследство.

Три дена музика, фолклор, традиција, домашни вкусови и малешевско гостопримство ќе го исполнат Берово, а градот уште еднаш ќе покаже дека културниот живот во Македонија се создава насекаде – од најголемите градови до најмалите места.

А Естрада.мк продолжува да биде таму каде што се случуваат убавите македонски приказни, да ги открива, да ги следи и да ги доближува до своите читатели.

Од 27 до 29 август – Берово ве очекува на „Етно Фестивал Берово 2026“ и „Малешевијата на дланка“.

Продолжи со читање