Народна

Од коренот до иднината, македонска песна во ново руво, проектот ,,Македонијо во срце те носиме” со своето второ издание

Објавено

пред 1 година

на

јули 12, 2025

Од

Проектот „Македонијо, во срце те носиме“ претставува музичка иницијатива чија главна цел е да се зачува, обнови и пренесе македонското народно музичко богатство на новите генерации. Преку современи аранжмани и интерпретации, македонските изведувачи препејуваат познати македонски народни песни, со што им се дава нов живот и се прави мост помеѓу традицијата и модерното време.

Целта на проектот е да се подигне свеста кај младите за значењето на македонската народна музика како дел од нашето културно наследство. Истовремено, се поттикнува љубовта кон татковината преку музика која зборува за македонските вредности, убавини и животот на нашиот народ низ историјата.

Овој проект своето второ издание го започна со Ламбе Алабаковски и песната ,,Како пиреј”, испеана 1994 година на Валандовскиот фестивал од страна Гоце Николовски, а за второто издание на проектот ,,Македонијо во срце те носиме” преработена во аранжман на Никола Мицевски.

Втората песна, со која продолжува овој проект е легендарната ,,Не кажувај либе добра ноќ” во изведба на Петранка Костадинова, Васка Илиева, дуетот Селимова – Желчевски и други македонски изведувачи, овој пат со новиот аранжман на Никола Мицевски ја отпеа Огнен Здравковски, еден од наследниците на самиот автор на песната Наско Џорлев.

Третиот препев му е препуштен на Миле Кузмановски. Тој со својата емотивна и моќна изведба ја препеа антологиската ,,Се собрале комитите”. Песна која е длабоко вкоренета во македонската традиција, македонското срце и душа.

Народната песна отсекогаш била носител на приказни, емоции и вредности кои се пренесувале од генерација на генерација. Со ваков проект, се создава простор младите да се поврзат со своето културно потекло на еден креативен и модерен начин. Освен тоа, се поттикнува уметничкиот израз, музичкиот развој и чувството на гордост кон сопствената земја.

Проектот „Македонијо, во срце те носиме” продолжува да ја реализира својата цел, а во периодот што следува, љубителите на македонската народна песна ќе имаат можност да уживаат во целосната збирка од проектот. Овој проект, е повеќе од музички проект – тоа е израз на љубов, почит и желба за зачувување на македонскиот идентитет преку уметноста. Преку силата на песната, младите им даваат глас на предците и ја пренесуваат нивната приказна низ ново време.

Поврзани теми:

Следно

Наум Петрески снима нов музички проект – дали се работи нова песна или за легендарна песна во нов аранжман?

Не пропуштајте

Во тек е 15-тиот јубилеен Меѓународен фолклорен фестивал „Гази Баба 2025“

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 13 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање