Една од нашите најдобри пеачки, како на народана исто така и на забавна музика, иако е повеќе позната по народната музика, Анета Љумакова, деновиве на својот Фејсбук профил обзнани дека се спрема нешто ново. Всушност, објави дека во соседна Грција, поточно во Кавала, заедно со својот тим се снимал спот за нејзината нова песна.

Анета во својата објава на Фејсбук кажа – Два дена поминати на сонце, топлина, замор, неспиење, патување од една дестинација на друга,но сепак позитивни, насмеани и расположени во исчекување на крајниот резултат од тоа што го имавме замислено, ја завршивме успешно нашата мисија, и на крај видовме дека ништо не било залудно кога се работи сложно, неуморно со полна пареа, а сето тоа може да се постигни со екипа на луѓе кои се професионалци во својот занает и едноставно, си ја знаат својата работа.

Ова беше едно ново искуство, ново доживување што ќе го паметиме, а сето тоа спакувано во еден видео запис за една од моите понови песни чии автори се: текст – Анита Даева, музика и аранжман – Бобан Мојсовски.

Понатаму во текстот изрази благодарност до целиот тим кој неуморно работел на овај спот, тим кој се вложил максимално за да се сними видео записот во Кавала, кој ќе остане да се слуша и гледа.

Сигурни сме дека Анета ќе ја оправда довербата на своите слушатели и дека песната комплетирана со видео запис ќе постигне огромен успех.

Видео записот сеуште е во фаза на монтажа, а дотогаш, нам ни останува со нетрпение да ја очекуваме промоцијата на новата песна и новиот видео запис на Анета Љумакова.