Поврзете се со нас

ЗАБАВНА

Нина Спирова – еден од гласовите што ги чува корените

Објавено

на

Коренот и идентитетот на еден народ не се чуваат само преку историјата и традицијата, туку и преку музиката. Токму затоа, Естрада.мк продолжува да потсетува на имињата кои ги поставија темелите на македонската народна и забавна музика, уметници чие творештво не смее да биде заборавено.

Во оваа статија се навраќаме на ликот и делото на легендарната Нина Спирова, една од најпознатите македонски пејачки на староградска и народна музика на сите времиња.

Родена во Прилеп во 1938 година, Спирова уште од својата 16-годишна возраст започнува активно да настапува, најавувајќи блескава музичка кариера. Со својот милозвучен, топол и кадифен глас, таа остави неизбришлива трага во македонската музичка историја, создавајќи бројни записи кои и денес се сметаат за евергрини.

Реклама
Во Твоја Зона

Нејзиниот репертоар опфаќа забавни мелодии, но и вистински бисери на староградската македонска музика. Според музичките познавачи и нејзините почитувачи, најсилен белег остави токму преку интерпретацијата на македонската народна и староградска песна.

Нина Спирова била дел од првите изданија на Скопскиот фестивал, а во текот на својата кариера соработувала со најзначајните македонски автори и композитори, меѓу кои Драган Ѓаконовски – Шпато, Љубомир Бранѓолица и Димитар Масевски. За музичката продукција на МРТВ снимила повеќе од 80 композиции, од кои многу станале антологиски хитови.

Реклама
Во Твоја Зона

Меѓу најпознатите песни што и денес живеат се „Молчи, молчи“, „Еден бакнеж“, „Езеро мое“, „Далечен крај“, „Пелистерски очи“ и „На овој ден“.

Особено место во нејзината кариера зазема безвременскиот хит „Еден бакнеж“, кој во придружба на Македонската филхармонија прерасна во вистински музички бисер. Песната била изведена на фестивалот „Опатија“ во 1962 година, каде што ја освоила првата награда, уште една потврда за нејзиниот исклучителен талент.

Реклама
Во Твоја Зона

Спирова имала и интернационални настапи, меѓу кои се издвојува учеството на фестивалот „Белградска пролет“ во 1964 година со песната „Бела хризантема“. Снимила и сингл плочи на српскохрватски јазик, со што нејзиниот глас допрел и до пошироката регионална публика.

И покрај огромната популарност, Нина Спирова остана скромна, ненаметлива и повлечена личност. Нејзиниот приватен живот речиси и да не беше изложен на јавноста, реткост за уметник од нејзиниот калибар.

Реклама
Во Твоја Зона

Во почетокот на 80-тите години, таа се повлекува од естрадната сцена, оставајќи зад себе богато музичко наследство. Почина на 11 септември 2020 година, на 82-годишна возраст. Погребана е во селото Коштуниќи, меѓу Чачак и Горњи Милановац во Србија, каде што нејзините најблиски ѝ подигнаа споменик. Во Србија го носеше статусот на истакнат уметник.

Нина Спирова ќе остане засекогаш запаметена како еден од темелите на македонската музика, глас кој ги раскажува корените, традицијата и душата на еден народ.

Реклама
Во Твоја Зона
Продолжи со читање
Реклама Во Твоја Зона

ЗАБАВНА

АРТЕ-ФАКТ СО ПРОМОЦИЈА НА „ВИСТИНА“ – МЛАДИТЕ МУЗИЧАРИ СО СВОЈА ПРВА АВТОРСКА ПЕСНА И ЈАСНА ПОРАКА

Објавено

на

Од

Младоста, ентузијазмот, љубовта кон музиката и желбата да се создава нешто свое се најдобриот рецепт за нови музички приказни. Токму една таква приказна испиша бендот Арте-Факт (Arte-fakt), кој во петокот, на 6 ноември, во скопскиот Public Room ја одржа промоцијата на видеоспотот за својата прва авторска песна „Вистина“.

Песната публиката првпат имаше можност да ја слушне на годинашното издание на фестивалот „Макфест“, каде што Арте-Факт се претстави со својот музички израз и успеа да обезбеди пласман во втората, ревијална вечер. Искуството од фестивалската сцена за младите музичари беше особено значајно, а позитивните впечатоци и поддршката од публиката им дадоа дополнителен мотив да продолжат по патот на авторското творештво.

Промоцијата во Public Room беше повеќе од обично претставување на нов видеозапис. Настанот беше замислен како можност за дружење, споделување впечатоци и разговор за целиот креативен процес што стои зад создавањето на „Вистина“. Во рамките на вечерта се одржа и панел-дискусија на која учествуваа членовите на бендот, продуцентот на песната Давор Јордановски, како и видео-продуцентот Александар Ристовски – Принц, заедно со дел од луѓето кои дадоа свој придонес и поддршка во реализацијата на проектот. Присутните имаа можност да поставуваат прашања и одблиску да дознаат повеќе за идејата, подготовките и работата зад песната и видеоспотот.

Реклама
Во Твоја Зона

Она што заслужува посебно внимание е фактот дека зад ваквите проекти стојат млади луѓе кои не чекаат некој друг да им го отвори патот, туку самите се обидуваат да создаваат, да експериментираат и да го пронајдат своето место на музичката сцена.

Македонската музика има потреба од нови имиња, свежа енергија и авторски идеи, но пред сè има потреба од поддршка за оние кои се на почетокот на својот музички пат. Затоа, секој ваков чекор е важен, секоја нова песна е можност за нешто поинакво, а секоја сцена на која ќе застанат младите музичари е уште една можност нивниот талент да допре до публиката.

Арте-Факт со „Вистина“ го направи својот прв значаен авторски чекор. А кога зад желбата за успех стојат љубовта кон музиката, посветеноста и храброста да се создава сопствена приказна, тогаш вреди да им се даде простор и можност таа приказна да продолжи.

Реклама
Во Твоја Зона

Поддршката за младите музичари не е само аплауз за едно претставување, туку вложување во иднината на македонската музичка сцена.

Реклама
Во Твоја Зона
Продолжи со читање
Реклама Во Твоја Зона
Реклама
Реклама
Реклама
Реклама
Реклама
Реклама
Реклама
Реклама

ПОПУЛАРНИ