Шоу Биз
Радио Зона М1 во блесок и сјај го одбележа својот 32-ри роденден – ноќ исполнета со музика, емоции и вистински гламур
Во атмосфера која наликуваше на вистински радиобран фестивал, Радио Зона М1 го прослави својот 32-ри роденден со ексклузивна, префинета и гламурозна забава што долго ќе се памети. Главните уредници и сопственици, Светлана и Марјан Тасевски, приредија вечер исполнета со стил, елеганција и врвна организација, достојна за радио кое повеќе од три децении е меѓу најслушаните во земјата.
На роденденот беа поканети и присувствува роднини, пријатели, долгогодишни соработници и бројни јавни личности кои уживаа во свечен амбиент, сјајни светла и позитивна енергија. Меѓу гостите беа присутни Лени Партикова, Блаж Маротов, Марија Петковска, харизматичната Даниела Темелковска, која со извонредна интерпретација ја исполни химната на Радио Зона М1. Додека Раде Младеновски со својот хит „Ракија“, многу баран од публиката, ги размрда уште повеќе, веќе расположените гости.
За музичката позадина и непрекинатото добро расположение се погрижи ДЏ Гоце – мајстор зад пултот, кој со беспрекорен избор на хитови ја држеше енергијата на високо скалило во текот на целата вечер. Неговиот сет создаде атмосфера каква што и треба да има на големи гламурозни прослави.
Вистинската круна на спектаклот беа танчарките со своите егзотични ориентални настапи, полни со шарм, раскошни костими и сценски настап што ја заокружи вечерта со совршена доза мистичност и елеганција.
Со оваа свечена и блескава прослава, Радио Зона М1 уште еднаш докажа дека не е само радио – туку бренд, традиција и емоција која опстојува повеќе од 30 години меѓу својот народ и публика. И продолжува напред, посилно од кога било, таму каде што секогаш било, во срцето на слушателите.
Дел од роденденската атмосвера беше пренесувана и во етерот, преку 104,4 ФМ фрекфенцијата, со тоа Радио Зона М1 им ја пренесе пораката на своите верни слушатели од Скопје, Македонија, Балканот па и низ светот – 32 години сме тука, тука и остануваме, меѓу вас, нашите ценети слушатели.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026