Шоу Биз

Аца Лукас сепак ќе настапи во Скопје, приходот од концертот најавен како донација за настраданите во Кочани

Објавено

пред 9 месеци

на

ноември 24, 2025

Од

Цаци

По инцидентот што се случи викендов во Кавадарци, кога настапот на фолк-ѕвездата Аца Лукас беше прекинат од полицијата, јавноста не престанува да реагира. Според информации од полицијата, причина за приведувањето била наводна неисправна документација за негов престој во Македонија. Од друга страна, Лукас и Саша Мирковиќ, директорот на „Хајп продукција“, под чија закрила настапува пејачот, тврдат дека зад случајот стои политичка позадина.

Порталот Естрада.мк не навлегува во детали околу различните тврдења, но она што следеше по инцидентот предизвика дополнителни реакции кај публиката. Имено, веднаш по приведувањето, Лукас изјави дека ќе размисли дали во иднина воопшто ќе настапува во Македонија. Со тоа под знак прашалник беше ставен и веќе најавениот голем концерт во декември во арената „Јане Сандански“.

Ситуацијата денес доби нов пресврт. Саша Мирковиќ на својот Инстаграм профил објави видео во кое заедно со Аца Лукас соопштува дека концертот сепак ќе се одржи, а уште позначајно – целиот приход од настанот ќе биде дониран за семејствата настрадани во трагедијата во Кочани.

Одлуката беше поздравена од дел од јавноста, но исто така отвори и нови прашања и дилеми.

Останува да видиме дали навистина ќе го испочитуваат ветувањето и средствата ќе бидат донирани онака како што е најавено.

Поврзани теми:

Следно

„Аска 2“ доаѓа на 2 декември – нов музички бум од Теа Таировиќ

Не пропуштајте

Полицијата го прекина настапот на Аца Лукас во Кавадарци – пејачот спроведен во станица

Продолжи со читање

Шоу Биз

Босилово повторно ги собира љубителите на фолклорот – 15 години „Средба Русалии – Фолклор 2026“

Објавено

пред 59 минути

на

август 24, 2026

Од

Цаци

Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.

Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.

Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.

Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.

Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.

Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.

Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.

„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.

Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.

А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.

Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.

Продолжи со читање