Народна

Анета Љумаковска со моќна нова песна „Жена“ – ода за силата, достоинството и емоцијата на современата жена!

Објавено

пред 11 месеци

на

ноември 14, 2025

Од

Цаци

Македонската пејачка Анета Љумаковска повторно го воодушеви својот круг на обожаватели со новиот сингл „Жена“, песна која уште од првото слушање допира длабоко во душата. Со моќна интерпретација и искрена емоција, Анета испраќа силна порака за жената како симбол на сила, љубов и достоинство, а нејзиниот глас во себе носи моќ, сила и гордост што е и таа една од тие жени.

Песната е дело на текстописецот Анита Даева, додека за музиката и аранжманот стои Дејан Момироски од XL Studio, кој успеал да создаде совршена емотивна мелодика што ја издигнува нумерата на едно повисоко уметничко ниво.

Посебен печат на проектот му дава и видеоспотот, кој е снимен низ познатите улици и места на Рим. Под режисерска палка на Art Studio – Дејан Ѓоргиев и Давид Стојковски, визуелната приказна ја следи емоцијата на песната, жена која минувала низ искушенија, но гордо и достоинствено стои исправена, како симбол на сила и љубов.

Анета со „Жена“ покажува дека нејзината музика е повеќе од звук, тоа е исповед, порака и инспирација за сите жени кои секојдневно се борат, љубат и простуваат, но никогаш не се предаваат.

Со оваа нумера, Љумакова уште еднаш докажа дека има уникатен вокал и стил што не може да се игнорира. „Жена“ е песна која не само се слуша, таа се чувствува со срце.

Поврзани теми:

Следно

Лени Партикова најавува нова песна, албум и концерт „Горда сум Македонка“

Не пропуштајте

Најголемата кафанска журка во Скопје – три балкански ѕвезди, една ноќ и безброј хитови!

Продолжи со читање

Народна

,,Фолк Фест Роса“ слави 27 години – Една ноќ, многу хитови и незаборавни музички емоции!

Објавено

пред 1 ден

на

октомври 21, 2026

Од

Цаци

Македонската фолк-музика има уште една причина за славење! Еден од фестивалите што оставија свој белег на домашната естрадна сцена, „Фолк Фест Роса“, годинава одбележува 27 години постоење, а големиот јубилеј ќе биде прославен на 9 ноември во Националната опера и балет во Скопје.

Под мотото „Една ноќ – многу хитови“, публиката ја очекува музичка вечер посветена на песните, емоциите и имињата што низ годините ја градат приказната на овој фестивал.

Од своето прво издание во 1999 година, „Фолк Фест Роса“ претставува дел од македонската музичка традиција, овозможувајќи им на афирмираните изведувачи, но и на новите музички надежи, да ја претстават својата песна пред публиката. Низ годините, фестивалската сцена ја споделувале бројни познати фолк-имиња, а дел од песните продолжиле да живеат и долго по нивните премиерни изведби.

Јубилејната вечер е можност повторно да се потсетиме на музиката што буди спомени, на рефрените што се пеат во еден глас и на емоциите што само добрата народна песна може да ги пренесе. Фолкот е музика што ги спојува генерациите, раскажува приказни за љубовта, животот, радоста и тагата, а токму таа блискост со публиката е дел од неговата трајна вредност.

Очекувањата се дека и ова издание ќе донесе вечер исполнета со добра музика, познати естрадни имиња и вистински фестивалски дух. Имињата на учесниците и дополнителните детали за програмата се очекува да бидат објавувани во периодот што следува.

27 години „Фолк Фест Роса“ – 27 години музика, традиција и хитови!

Големиот музички настан ќе се одржи на 9 ноември 2026 година, со почеток во 20 часот, во Националната опера и балет во Скопје. Влезниците се по цена од 400 денари и се достапни преку продажната мрежа на Karti.com.mk.

За дополнителни информации, заинтересираните можат да се обратат на телефонскиот број 070 266 266.

Една вечер, многу хитови и 27 години музичка приказна што продолжува!

Продолжи со читање