Народна

Саша Матиќ го објави вториот дел од албумот „Ноќас нам не гине љубав

Објавено

пред 10 месеци

на

ноември 7, 2025

Од

По големиот успех на првиот дел од албумот „Ноќас нам не гине љубав“, кој беше објавен во април и за кратко време стана едно од најслушаните изданија во регионот, Саша Матиќ го претстави продолжението — вториот дел од проектот „Ноќас нам не гине љубав.

Зад новиот албум стои тим од врвни автори, кои преку музиката вешто го спојуваат традиционалниот звук со современиот израз, создавајќи препознатлив спој на емоција и квалитет што го следи целиот Матиќев опус.

Првиот дел од албумот донесе четири песни што веднаш ја освоија публиката – „Ноќас нам не гине љубав“, „Крематоријум за љубав“, „Силе зле“ и „Боље никад него касно“. Секоја од нив го носеше препознатливиот печат на Саша Матиќ – искрен вокал, длабока емоција и раскошна продукција што допира до секој слушател.

Со новиот, втор дел од албумот, пеачпт отвора ново музичко поглавје, претставувајќи четири сосема нови песни: „Свирај роде“, „Стани мало“, „Даље“ и „Далеко“

Како и досега, Саша останува доследен на себе – автентичен, емотивен и вистинска, а неговата публика тоа го чувствува и возвраќа со љубов.

Албумот „Ноќас нам не гине љубав е веќе достапен на сите дигитални платформи и според првичните реакции, вториот дел ветува уште поголем успех од претходниот.

Поврзани теми:

Следно

Фолк Фест „Роса“ по 26-ти пат – вечер посветена на македонската песна и традиција

Не пропуштајте

КАФАНСКА НОЌ ВО СКОПЈЕ – ТРОЈЦА БАЛКАНСКИ ВЕЛИКАНИ ЌЕ ЈА ЗАПАЛАТ АРЕНАТА „ЈАНЕ САНДАНСКИ“!

Продолжи со читање

Народна

„Тумба фест 2026“ – кумановскиот хумор повторно ќе се пее на сцена

Објавено

пред 11 часа

на

август 23, 2026

Од

Цаци

Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.

Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.

И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.

Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.

На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.

Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.

„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.

Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.

Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.

На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.

Продолжи со читање