Шоу Биз

Наум Петрески со остар став за препеаните песни „Ги уништивте македонските народни песни“

Објавено

пред 11 месеци

на

октомври 10, 2025

Од

Познатиот пејач и доајен на македонската народна песна, Наум Петрески, вчера предизвика големо внимание на социјалните мрежи со свој статус во кој остро ја критикуваше современата изведба на традиционалните македонски песни.

Во објавата, Петрески изрази револт кон, како што вели, „новите изведувачи“ кои, според него, ги изобличуваат оригиналните народни хитови и класични песни.

„Значи, тотално ги уништивте сите стари хитови од 85-та наваму, ама им влеговте и на старите македонски песни и мислите дека сте ги отпеале подобро од оригиналот или некој така ви рекол. Но всушност, многу непријатно и неправилно ги пеете и неправилно се отсвирени… Па вас ако ве бивало, ќе сте направеле свои песни и немаше да се китите со туѓи перја“, напиша Петрески во статусот.

Тој додаде дека, според него, доколку државата била „постабилна“, ова „лудило“ ќе било забрането, и упати препорака до младите музичари „сами да си ја создадат иднината“ преку оригинални песни, наместо да се докажуваат преку туѓи хитови.

Објавата за кратко време предизвика бројни реакции на социјалните мрежи — дел од публиката му даде поддршка на познатиот пејач, додека други оценија дека секоја нова генерација има право на сопствена интерпретација и уметнички израз.

Денеска, статусот на Петрески веќе е избришан од неговиот профил, а причината за тоа засега не е позната.

Наум Петрески важи за еден од најпознатите и најпочитувани изведувачи на македонската народна песна, со повеќедецениска кариера и бројни хитови кои се сметаат за класици во македонската музичка традиција.

Поврзани теми:

Следно

Настан во чест на Тоше Проески: „Тоше те сакаме“ во Ново Лисиче

Не пропуштајте

Бојана Скендеровски со прв солистички концерт „Бесмртна“ – музичка приказна за љубовта и времето

Продолжи со читање

Шоу Биз

Штипска Пастрмајлијада 2026 – Два дена уживање, повеќе од 30 угостители и големи музички имиња

Објавено

пред 3 часа

на

септември 17, 2026

Од

Цаци

Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.

Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.

Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.

Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.

Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.

За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.

Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.

18 и 19 септември – Штип ве очекува на Пастрмајлијада 2026!

Продолжи со читање