Народна
Тажна вест: Почина легендарниот пејач Халид Бешлиќ
Регионалната музичка сцена денес изгуби уште еден од своите најголеми уметници — Халид Бешлиќ. Познатиот пејач, чија кариера траеше повеќе од четири децении, почина по тешка болест, оставајќи зад себе богато музичко наследство и милиони обожаватели ширум Балканот.
Последните недели јавноста беше загрижена за неговата здравствена состојба, откако беа откажани неколку негови настапи. На концертот во Бања Лука, Халид едвај се движеше по сцената и најголемиот дел од настапот го помина седејќи, искрено признавајќи на публиката дека не се чувствува најдобро. По тој настап беше итно хоспитализиран, а потоа следеше и откажување на уште еден концерт.
Халид Бешлиќ беше симбол на емоција, топлина и искреност во музиката. Неговата кариера беше обележана со бројни хитови, распродадени концерти и милионски тиражи, но и со тешки животни искушенија од кои секогаш излегуваше посилен. На почетокот на војната во Босна и Херцеговина, неговата песна „Љиљани“ од 1991 година стана неофицијална химна на бранителите на својата татковина. За време на воените години, Халид покажа огромно срце и хуманост — одржа повеќе од 500 хуманитарни концерти низ Западна Европа за помош на настраданите во родната земја.
Голем пресврт во неговата кариера се случи во 1998 година со албумот „Робиња“ и песната „Есен во мене“, обработка на хитот на Парни Ваљак, со која Халид најави поурбан звук и поп-фолк израз. Тој правец го продолжи со албумот од 2003 година, на кој се наоѓа и легендарната песна „Први полјубац“, еден од неговите најголеми хитови кој и денес е неизоставен дел од секој негов настап.
Само пред кратко време, неговиот долгогодишен пријател и соработник Мили објави последна песна што ја снимиле заедно – „Сејда“, посветена на сопругата на Халид. Песната сега добива особено емотивно значење, како негово последно музичко писмо до љубовта и животот.
Со заминувањето на Халид Бешлиќ, Балканот изгуби не само голем уметник, туку и благороден човек чии песни ќе продолжат да живеат во срцата на генерации што доаѓаат.
Народна
„Тумба фест 2026“ – кумановскиот хумор повторно ќе се пее на сцена
Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.
Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.
И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.
Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.
На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.
Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.
„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.
Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.
Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.
На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026