Шоу Биз
СКАНДАЛ ИЛИ ПОМИРУВАЊЕ? Боки 13 и Сека лице в лице после деценија и пол кавги!
Контроверзниот и секогаш спектакуларен Бојан Јовановски – Боки 13, по бурните години исполнети со судски процеси, здравствени проблеми и медиумски турбуленции, повторно се враќа на голема врата. Неговиот проект „Б Поткаст“, кој лани привлече огромно внимание, на 29 септември ја стартува својата втора сезона.
Она што Боки 13 го најавува како „невидено досега“ е сосема ново, ултра модерно студио и продукција што, според него, ќе ги помести стандардите на регионалната медиумска сцена. Но вистинската бомба е првата гостинка: Сека Алексиќ, една од најголемите регионални музички ѕвезди.
Она што ја прави оваа епизода уште поексклузивна е фактот што Боки 13 и Сека Алексиќ речиси 15 години беа во медиумска војна, со препукувања и јавни изјави кои редовно полнеа насловни страници. И токму затоа, нивната средба во „Б Поткаст“ се очекува со огромен интерес – дали е дојдено до конечно помирување, искрен разговор или пак нова медиумска бура?
„Ова е само почеток на една сосема нова ера. Подгответе се за невидено шоу, изненадувања и гости какви што досега не сте виделе,“ вели Боки 13, јасно ставајќи до знаење дека втората сезона ќе биде на ниво кое надминува сè досега.
Со Сека Алексиќ како прв гостин – и со историјата што ги поврзува – стартот на „Б Поткаст“ сезона 2 ветува вистински спектакл кој ќе ја тресе јавноста долго потоа.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026