Народна
Солзи и емоции – Халид Бешлиќ објави песна за сопругата во најтешките моменти од животот
Познатиот пејач Халид Бешлиќ и во овој тежок животен период ја покажа својата неисцрпна љубов кон музиката. Иако моментално се соочува со сериозни здравствени предизвици и е под лекарска нега во Сараево, тој вчера ја претстави својата најнова песна со наслов „Сејда“, дело на „Милиграм“.
Нумерата е емотивна посвета за неговата сопруга, а кај бројните обожаватели низ целиот регион предизвика силни реакции и искрени пораки за поддршка и побрзо закрепнување.
Халид и Сејда се заедно речиси половина век, и важат за еден од најскладните брачни парови на балканската естрада. Во текот на сите овие години заедно минувале низ радости и тешки искушенија, но нивната љубов и меѓусебна посветеност останале непроменети. Пејачот често нагласувал дека токму Сејда е неговата најголема потпора и темел на семејството.
Првпат се сретнале кон крајот на седумдесеттите години – Халид тогаш штотуку зачекорил на музичката сцена, а Сејда работела во фабрика за чоколадо. Судбината ги споила на една прослава за Денот на жената, каде што, во шега, Бешлиќ ја „побарал“ за жена. Она што започнало како шега, прераснало во љубовна приказна што трае и денес.
И покрај здравствената борба, Халид уште еднаш покажа дека музиката е неговиот најголем двигател, а песната „Сејда“ на многумина им донесе солзи во очите – како сведоштво за љубовта која трае цел живот.
Народна
„Тумба фест 2026“ – кумановскиот хумор повторно ќе се пее на сцена
Куманово и годинава ќе биде домаќин на една од најспецифичните фестивалски приказни на македонската естрадна сцена. На 24 август, со почеток во 20 часот, во рамките на „Кумановско културно лето“ ќе се одржи 14-тото издание на „Тумба фест“, фестивал кој низ годините изгради препознатлив стил спојувајќи ја народната песна со хуморот, сатирата и секојдневието.
Зад фестивалот стои здружението „Етно ризница“, предводено од Драган Јаким, а токму негувањето на кумановскиот дијалект, локалниот хумор и македонскиот народен дух се едни од главните обележја по кои „Тумба фест“ се разликува од останатите фестивалски манифестации.
И оваа година публиката ќе има можност да слушне 15 нови композиции, создадени од познати македонски автори. Меѓу имињата кои учествуваат во музичкиот дел се Томислав Коцевски – Пепси, Цане Петров, Горан Милошески, Младен Протиќ,Боби Петковски, Славко Ристески, Кирил Стојчевски, Љубиша Јовановски – Жишка и Слаѓан Станишковски.
Посебноста на песните е токму во нивната тема, наместо класични фестивалски љубовни приказни, „Тумба фест“ и понатаму се потпира на духовитоста, иронијата и препознатливите ситуации од секојдневниот живот, преточени во музика.
На сцената ќе се појават голем број познати имиња. Публиката ќе ги види Катерина Брезева и „Соната“, Бранимир Стошиќ – Каце, Круме Спасовски и актерот Владо Дојчиновски, Вукица Челебиева и групата „Савршен дан“, Нино Величковски, Борче Наумовски – Министерот, Катерина Николовска Мицанова, Боби Амадеус и Татјана Јовановска, Мишко Микеле Србиновски, Ташко Карафиловски со „Астра бенд“, Јованка Јо, Виктор Димитриевски, Матео Шваст, Кире Науновски.
Како специјална гостинка на фестивалската вечер ќе настапи Ленче Кукиќ, додека водителската улога годинава повторно ѝ е доверена на Сузана Апостолова.
„Тумба фест“ не е само фестивал на нови песни. И годинава ќе бидат доделени традиционалните фестивалски признанија, меѓу кои и наградата за животно дело, чиј добитник организаторите сè уште го чуваат како изненадување.
Познато е, пак, дека признанието за најслушана песна меѓу две фестивалски изданија годинава ќе му припадне на Раде Младеновски за песната „Ракија“, дело на авторот Ристо Самарџиев.
Фестивалот традиционално се одржува под покровителство на Општина Куманово, а годинава неговата порака и специфичниот хумористичен пристап треба да стигнат до уште поширока публика. Генерален медиумски покровител на 14-тото издание е Македонската радио-телевизија.
На 24 август, Куманово повторно ќе покаже дека народната песна не мора секогаш да биде само сериозна и емотивна, понекогаш најдобро се пее токму она што сите го живееме, но со малку повеќе хумор, иронија и добронамерен мајтап.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026