Шоу Биз
Зона М1 го раздрма теренот – сензационално во полуфинале!
Вчера вечер, на 6 септември 2025 година, во рамки на четвртфиналните натпревари од 9. турнир во мал фудбал „Милко Илиевски“, екипата на Радио Зона М1 приреди сензација со убедлива победа над фаворизираната ФК Пчиња – 7:3. Со оваа брилијантна партија, Зона М1 уште еднаш докажа дека екипата не се плаши од големи предизвици и дека нивното срце и борбеност можат да направат разлика.
Со триумфот, Зона М1 обезбеди место во второто полуфинале, каде вечерва ќе се сретне со Енерго Монт, состав исполнет со врвни и искусни футсал играчи. Според многумина, Енерго Монт е благ фаворит, но Зона М1 веќе покажа дека за нив не постојат „недостижни“ противници. Екипата игра со страст, верба и колективен дух, што ја прави најпријатното изненадување на турнирот.
Во првото полуфинале ќе се одмерат силите Пин Петрол и ВМРО, во дуел кој ќе реши дали ВМРО ќе стигне до своето трето финале по ред, или пак цврстата игра на Пин Петрол ќе го сопре нивниот поход.
Полуфиналната вечер ќе биде дополнета и со ревијален натпревар на најмладите – дечињата од Пчиња, кои секогаш носат насмевки и радост на публиката.
Стартот на возбудливата програма е закажан за 20:45 часот, а сите љубители на спортот со нетрпение очекуваат да видат дали Зона М1 ќе продолжи да ја пишува својата неверојатна приказна и да стане вистинската сензација на годинашниот турнир.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026